اسلام آباد۔ 16 فروری (اے پی پی) بُنجاھی وزیر برائے بین الصوبائی رابطہ میاں ریاض حسین پیرزادہ ئَ گوں پاکستان ئَ یمن ئِ سفیر محمد مہاتر علی شابی ئَ گند ئُُ نند کُت۔ بُنجاھی وزیر ئَ سفیر ئَ را وش اتک کنان ئَ گوشت کہ پاکستانی یمن ئِ مردم آنی سک باز اِزت ئُُ شرپ ئَ کن اَنت۔ آئی ئَ گیش تران کُت ئُُ گوشت کہ یمن ئِ گوما مھکمیں براتی ئِ شیرینی است اِنت ئُُ ما یمن ئَ را مھکمیں ئُُ ایمن ایں ملک ئِ بوھگ ئِ واھشت ئَ دار آں۔ یمن ئِ سفیر محمد مہاتر علی شابی ئَ گوشت کہ پاکستان ئُُ یمن ئِ نیامئَ نزیکیں دوستی ئُُ یکوئی اَست۔ سفیر ئَ گوشت کہ دود ئُُ ربیدگی پروگرام ئِ چیر دستی ئَ یمن ئِ 100 نودربر پاکستان ئِ بازیں یونیورسٹی آنی تہئَ ٹوھیں وانگ ئُُ زانگ در برگ ئَ آں۔ آئی ئَ استیں اقتصادی جاور ھال آنی ساڑا کُت۔ بُنجاھی وزیر ریاض حسین پیرزادہ ئَ گوشت کہ اے یک وشیں گپ اِت یمن ئِ نودربر پاکستان ئَ دانش گاہ آں زانش سِکھگ ئَ آں۔
