راولپنڈی ۔ 23 دسمبر (اے پی پی) سرڈگاری اُرد ءِ سروک جنرل قمر جاوید باجوہ ءَ لائن آف کنٹرول ءُُ سی ایم ایچ مظفر آباد ءِ تر ءُُ تاب کت ءُُ گوشت کہ مئے ایمنی ءِ واھشت ءَ را ھمزوری پھمگ مہ بیت ۔ پاک اُرد ءِ شوبگ (آئی ایس پی آر) ءِ ڈائریکٹر جنرل میجر جنرل آصف غفور ءَ وتی ٹویٹ ءَ گوشت کہ سرڈگاری اُرد ءِ سروک لائن آف کنٹرول ءُُ سی ایم ایچ مظفر آباد ءِ تر ءُُ تاب کت ۔ آرمی چیف ءَ گوشت کہ مئے ایمنی ءِ واھشت ءَ را مئے ھمزوری پھم مہ بیت، اچ رنگ ءَ کشمیر ءِ سر ءَ باست ءُُ واست کنگ بہ بیت ۔ جنرل قمر جاوید باجوہ ءَ گوشت کہ ماتیں وطن ءِ دیمپانی ءِ واستہ ما کجام ھم رنگے گامگیج ءُُ اُرش ءِ پسو ءَ را پد ءُُ رند کنگ ءِ بستار ءَ دار آں ءُُ سرج میں رنگ ءَ تیار آں ۔
