اسلام آباد۔ 23 دسمبر (اے پی پی) اسلام آباد ہائی کورٹ ءَ ایل این جی کیس ءِ تہ دزگیر پیسریگیں ھزانگ وزیر مفتاح اسماعیل ءِ 1 کروڑ کلدار ءِ ضمانتی کاگد انی عیوض ءَ دزبندی منظور کتگ۔دوشمبے ءَ آمیدگس ءِ چیف جسٹس اطہر من اللہ ءُُ جسٹس میان گل حسن اورنگزیب ءِ سرا ھوار دوباسکی بنچ ءَ ایل این جی کیس ءِ تہ دزگیر پیسریگیں ھزانگ وزیر مفتاح اسماعیل ءِ دزبندی ءِ سرا گوشداری کتگ۔وکیل ءِ گوشگ ءِ ردا مفتاح اسماعیل ءِ سرا بہتام انت کہ کنسلٹنٹ ءِ تقرری در کانودی بوتگ وھدیکہ کنسلٹنٹ ءَ رایوایس ایڈءَ ایر کتگ۔مفتاح اسماعیل ہما وھد ءَ سوئی سدرن بورڈءِ تہ ھم ھوار نیست ات۔ نیب پراسیکیوٹر ءَ عدالتی جست ءُُ پرس ءِ سرا حال داتگ کہ مفتاح اسماعیل 49روچ جسمانی ریمانڈ ءِ سرا نیب ءِ حراست ءِ تہ بوتگ ات۔عبوری ریفرنس جم کنگ بوتگ بلے ایل این جی کیس ءِ پٹ ءُُ پول برجاہ انت۔ چیئرمین سوئی سدرن کمپنی زہیرصدیقی گواہ انت۔نیب پراسیکیوٹر ءَ موقف اختیار کتگ کہ مفتاح اسماعیل ءِ ضمانت منظور کنگ بوتگ تو آئی ءِ ڈن ملک ءَ بیگواہ بوھگ ءِ گمان انت۔ چیف جسٹس ءَ گوشت کہ جرم پدر بوھگ ءِ تاں ملزم بے ڈوھ تصور بوھگ انت۔ مفتاح اسماعیل ءَ را پابند کنگ اوں کہ آں یلہ بوھگ ءِ پدا ہمک روچ پٹ ءُُ پولی آفیسر ءَ را فون کن انت۔
