اسلام آباد۔ 23 دسمبر (اے پی پی) بنجاھی وزیر اقتصادی کار محمد حماد اظہر ءَ پاکستان ءَ جمہوریت ءِ دیمروئی ءُُ گڈ گورننس ءِ گیواری ءِ بھر جوٹ بوھگ ءِ واستہ ٹرسٹ فارڈیموکریٹک ایجوکیشن اینڈ اکاؤنٹ بلٹی (ڈی ڈی ای اے) ءِ شگر گپت ءُُ گوشت کہ ساپ ءُُ سلہ ایں ءُُ پسو ئی پاکستان ءِ واستہ شہری آنی گوانک چست کنگ سک باز المی انت، شاتی ءِ گپ انت کہ اے پراجیکٹ ءَ شہری آناں ھاسیں رنگ ءَ زالبول، شرپ مندیں مردم ءُُ پیریں مردم آں ھوار مئے چاگردے ءِ ھمزوریں مردم آنی گوانک ءِ چست کنگ ءُُ سرکاری ادارگ آنی جست ءُُ پسو ءِ واستہ وت مستر جوڑ کتگ۔ دو شمبے ءَ ٹی ڈی ای اے منصوبگ ءِ گڈی مراگش ءَ ھاسیں مہمان ءِ بستار ءَ گشتانک دیان ءَ حماد اظہر ءَ گوشت کہ شہری آنی زانشت، آیشانی گل آناں تکنیکی کمک پجارینگ، جمہوری ادارگ آناں مھکم کنگ ءُُ پاکستان ءَ گچینی ءُُ سیاسی کار ءَ را گہتر جوڑ کنگ ءِ واستہ ٹرسٹ ءِ کوشست آناں ساڑ ا آں۔