اسلام آباد۔ 23 دسمبر (اے پی پی) چیئرمین سینیٹ محمد صادق سنجرانی پاکستان کرکٹ ٹیم ءِ سری لنکا نا برخلاف ٹیسٹ سیریز ءِ کٹنگ آ مبارکباد ترسا پارینے کہ پاکستان کرکٹ ٹیم گوازی ٹی گچین کارکڑد انا درشانی ءِ کرے، پاکستان نا دورہ ءِ کننگ آ سری لنکن ٹیم، حکومت و الس نا منت واراُن۔ دوشنبے نادے آ سینیٹ سیکرٹریٹ نا رداٹ چیئرمین سینیٹ صادق سنجرانی پارے کہ سری لنکن ٹیم انا پاکستان اٹی گوازی کننگ ایلو ٹیم تیکن ہم کلہو اسے۔ پاکستان اٹی سیکورٹی حالیت آک یکسر جتا ءُ۔ اوپارے کہ گوازی نا بشخ آتے ٹی جہانی برادری نا پت انا بحالی کن کروک آ گام گیج آک ستاکڑزرہ۔ ٹیم انتظامیہ، پی سی بی و حکومت نا کوشست آتے پین ترند کننگ نا گرج ءِ۔
