اسلام آباد۔ 22دسمبر(اے پی پی) دری کارانی وزیر شاہ محمود قریشی ءَ گوشت کہ مودی سرکار ھطرناک ءِ گوازی ءَ لیئب کنگ انت،ایشی ءَ چہ سرجمیں دمگ ءِ امن اثرمند بوھگ انت،بھارت ءِ تہ متنازع کانود ءِ بل ءِ ھلاپ ءَ دھ ءَ چہ گیش استان ءِ تہ زہرشانی بوھگ انت،جاورھال ءَ چہ دلگوشی دور دیگ ءِ ھاترا ہندستان ہچ فالس فلیگ آپریشن ھم کت کن ایت ءُُ لین آف کنٹرول ءِ سرا آئی ءِ نیمگا چہ اشتعال انگیزی ءِ رد ھم برجاہ انت ایشی ءِ مئے فورسز الحمدللہ چکاریں پسو دیگ انت۔یک شمبے ءَ جاڑی وتی کلوھ ءِ تہ مخدوم شاہ محمود قریشی ءَ گوشت کہ مقبوضہ جموں ءُُ کشمیر ءِ جاورھال ءِ ھوالہ چہ دوروچ پیسرءَ من وتی ویڈیو کلوھ ءِ وسیلگ ءَ وتی رائے ءُُ تکانسری ءِ درشان کتگ ات،ایشی ءَ چہ پیسرءَ 12دسمبر ءَ من سلامتی کونسل ءِ صدرءَ را نمدی نبشتہ کتگ ات ایشی ءِ تہ من وتی تحفظات ءُّ ممکنہ ھطرات ءَ چہ سرپد کتگ ات۔آہاں گوشت ات کہ امتیازی قانون ”متنازع شہریت بل 2019 ”ءِ ھلاپ ءَ دھ چہ گیش استان ءَ سکیں زہرشانی کنگ بوھگ انتءُُ مقبوضہ کشمیر ءِ جاورھال شمے دیما انت یک شلءَ کرفیو ءَ را مروچی 139روچ گوستگ ات۔دری کارانی وزیر ءَ گوشت کہ اے دراھیں جاورھال ءَ چہ دلگوشی دور دیگ ءِ ھاترا ہندستان ہچ فالس فلیگ آپریشن ھم کت کن ایتءُُ لائن آف کنٹرول ءِ سرا آہانی نیمگا چہ اشتعال انگیزیانی رد ھم برجاہ انت۔من دو روچ پیسرءَ بھارت ءَ خبردار کتگ ات کہ پاکستان امن دوست ءِ ملک انت بلے اگہ بھارت ءَ ہچ وڈیں حرکت ءِ کتگ تو آےء ءَ را چکاریں پسو دیگ بہ بیت۔بھارت ءِ اے رنگیں تب ءَ چہ سرجمیں دگنیا ءِ امن اثرمند بہ بیت۔
