اسلام آباد۔ 21دسمبر(اے پی پی) صدرمملکت ڈاکٹرعارف علوی ءَ جسٹس گلزار احمد ءَ چہ نوکیں چیف جسٹس آف پاکستان ءِ اگدھ ءِ سوگند چست کتگ،سوگندی مراگش ھپتگ ءَ ایوان صدر ءِ تہ برجم دارگ بوتگ۔مراگش ءِ تہ مزن وزیر عمران خان ھم ساڑی ات۔سوگندی مراگش ءِ بنداتی تلاوت کلام پاک ءَ گوں بوتگ ءُُ قاری بزرگ شاہ الازہری ءَ تلاوت ءِ سعادت زوراتگ۔مراگش ءِ تہ چیئرمین سینیٹ صادق سنجرانی، سپیکر قومی اسمبلی اسد قیصر،گورنرز،بنجاہی وزراء،ھاسیں کمکار،صلاحکاراں،سلاہ بندیں اُردو ءِ سروکاں،ججاں،بار کونسلز ءِ نماھندگاں ءُُ وکیلانی ھوار مردماں مزنیں کچ ءَ بھر زوری کتگ۔پدر بہ بیت کہ پیسریگیں چیف جسٹس آف پاکستان جسٹس آصف سعید کھوسہ وتی نوکری ءِ وھد ءُُ پاس سرجم بوھگ ءِ پدا ریٹائر بوتگ ات۔
