اسلام آباد۔ 21 دسمبر (اے پی پی)مزن وزیر عمران خان ءَ بھارت ءِ تہ شہری بل ءِ ھوالہ چہ گوشت کہ بھارت نریندر مودی ءِ گوستگیں پنچ سالہ حکومت ءِ تہ ہندو برزدستی ءِ فاشسٹ نظریہ ءِ ردا ہندو ریاست ءِ نیمگا روگ انت،بھارت ءِ تہ گیش بیوکیں زہرشانی پاکستان ءِ ھاترا ھطرہ انت۔ھپتگ ءَ مزن وزیر عمران خان ءَ وتی یک ٹویٹ ءِ تہ گوشت کہ بھارت ءِ تی زہرشانی یک مزنیں جنز ءِ جوڈ بوتگ۔شہریت ءِ کانود ءَ را گپت مردم زہرشانی کنگ انت۔مقبوضہ کشمیر ءِ تہ قابض بھارتی افواج ءِ محاصرہ جاڑی انت۔مقبوضہ کشمیرءِ ھوالہ چہ مزن وزیر ءِ گوشگ ات کہ زوربرتگین کشمیر ءِ تہ محاصرہ ھلاس بوھگ ءِ سرا خون ریچی ءِ گمان انت وھدیکہ بھارت ءِ تہ گیش بیوکیں زہرشانی ءَ چہ پاکستان ءِ ھاترا ھطرہ ودک بوھگ انت۔آہاں گوشت کہ بھارتی آرمی چیف ءِ بیان مئے خدشات ءَ را گیش مھکم کتگ۔میاں اوستمانی براھندگی ءَ را بھارت ءِ تب ءَ چہ یکشل ءَ سرپد کنگ اوں۔بھارت توکی خلفشارءَ چہ میاں اوستمانی دلگوشی ءَ را دور کنگ ءِ ھاترا جنگی جنون ءَ را ودکی ءَ دیگ انت۔مزن وزیر ءَ گوشت کہ مہم جوئی ءِ دروشم ءِ تہ دیم پروش ءِ پسو دیگ ءِ ابید ہچ آپشن نہ بوت۔
