کوءٹہ ۔ 20 دسمبر (اے پی پی) وزیراعلیٰ بلوچستان جام کمال خان پارینے کہ سریاب اٹی ریڈیو پاکستان نا ڈغار ءِ صوبائی حکومت ءِ تننگ آوزیراعظم عمران خان نا منت واراُن ۔ کوءٹہ نا شونداری ، پارک آتا جوڑ و ورڈآتے کشادہ کننگ نا بابت ہمو پروگرام ءِ اتنگ اُن ہرا مستین نا حکومت آک پنجا سال اٹی کوءٹہ نا شاری تے تننگ کتنو، داخیال آتا درشانی ءِ او جمعہ نادے آ بلوچستان اسمبلی نا دیوان اٹی گپ و تران کرسا کرے ۔ وزیراعلیٰ بلوچستان جام کمال خان پارے کہ کچلاک و سریاب اٹی ورناتے گوازی تا آسراتی فراوان کننگ کن اسٹیڈیم جوڑ کننگ والا اُن کوءٹہ شار اٹی الس ءِ آسراتی تا فراوانی کن کیہی میگاپروجیکٹ آتیا کاریم برجاءِ ، ہراٹی چنکا ڈٹ 50 کروڑ و بھلا 7 ارب نا ءِ ہنداخاطران چاہنداری و شڑت و ضابطہ غاتیا پورو سلوک آ فرم آتے داڈٹ آتا ٹینڈر ایتنہ و عجلت اٹ اسہ ڈل اسے ہم پورو کپنہ ۔ کوءٹہ شار ننا غٹ انا ءِ و صوبائی حکومت نا کنڈآن ملوک آ آسراتی تا فائدہ لس بندغ آن ہلیس گچین مروک آ اسمبلی نا باسک اسکان غٹ ءِ ملک اوپارے کہ صوبائی حکومت باقاعدہ میکنزم اسے نا رداٹ غٹ ڈٹ آتے ایسر اسکان سرکیک انتئے کہ حکومت ءِ بیرہ اخبار آتے ٹینڈر تروئی اف بلکن غٹ ڈٹ آتے پورو کروئی ءِ وزیراعلیٰ جام کمال خان سریاب نا علاقہ ٹی ریڈیو پاکستان نا ڈغار ءِ بلوچستان حکومت ءِ تننگ آ وزیراعظم عمران خان نا منت واری ءِ ہرفسا پارے کہ سریاب نا ڈغار آ غٹ قاعدہ و ضابطہ پورو مننگ آن پد ریڈیوپاکستان نا ڈغار آ اسٹیڈیم اس جوڑ کننگک او اپوزیشن جماعت آتا اسمبلی نا باسک آتے سلہ تس کہ او است انا مریض و کینسر ہسپتال نا بنداو ءِ تخنگ نا ڈٹ آتا دود آتے ٹی بشخ ہلیر ۔ کوءٹہ غان گچین مروک آ اسمبلی نا باسک آتا شار انا ڈٹ آتے ٹی است خواہی و اوفتے اسمبلی فورم ا ا ہرفنگ ستاکڑزوک ءُ ہیت اسے ۔
