نیب بلوچستان الس تون درو کننگ نا اسہ کیس اسے ٹی نروک دوبہ دار ءِ کراچی آن دزگیر کرے، ترجمان نیب بلوچستان

کوءٹہ ۔ 20 دسمبر (اے پی پی) نیب بلوچستان الس تون درو کننگ نا اسہ کیس اسے ٹی نروک دوبہ دار ءِ کراچی آن دزگیر کرینے ، دوبہ دار خلقت نا اسہ بھلو کچ اسے آن کروڑ آ روپئی نا فراڈ اٹی عدالت آن سزا کنوک ءِ، ڈائریکٹر جنرل نیب بلوچستان نا نروک دوبہ دارآتا دمدستی دزگیری نا پرمان آ نیب انا انٹیلی جنس ٹیم انا اہم پیش رفت ، قومی احتساب بیورو بلوچستان الس تون درو کننگ نا اسہ کیس اسے ٹی نروک دوبہ دار معظم جان ءِ کراچی آن دزگیر کرینے ، دوبہ دار خلقت نا اسہ بھلو کچ اسے آن کروڑ آ فراڈ اٹی احتساب عدالت آن سزاکنوک ءِ، نیب بلوچستان نا جاست وپاست نار داٹ دوبہ دار معظم جان سادہ انگا الس آن جعلی انوسٹمنٹ کمپنی نا کمک اٹ اسٹاک ایکسچینج اٹی کٹیا نا جھانسہ ترسا کروڑ آ روپئی ہلک و منہ وخت کٹیا نا چنکو زر اس ترسا روپوش مس، نیب بلوچستان دوبہ دار نا برخلاف غاوتیا دمدستی کارروائی کرسا جاست وپاست ءِ پورو کرسا کیس احتساب عدالت اٹ دائر کرے، ولے عدالت آن سزا نا فیصلہ غان پد آن دوبہ دار نروک ئس ۔ نیب انا انٹیلی جنس ٹیم ڈائریکٹر جنرل نیب بلوچستان نا عدالت نا پرمان تے مون آتخسا نروک دوبہ دار آتا دزگیری نا پارت آ اہم پیش رفت کرسا دوبہ دارءِ کراچی آن دزگیر کرے، دوبہ دار نا سفری ضمانت دوئی کننگانے ، مستی کارروائی کن احتساب عدالت اٹ پیش کننگک ۔ مستی جاست وپاست برجاءِ ۔