اسلام آباد ۔ 20 دسمبر (اے پی پی) پاکستان مسلم لیگ (ن) نا صدر و قائد حزب اختلاف شہباز شریف لین آف کنٹرول (ایل او سی ) آ بے سوب بھارتی سم کاری نا ترندی اٹ مذمت ءِ کرسا کودک چناتا شہیدی آ دلی غم وغصہ و است ہسونی نا درشانی ءِ کرینے ۔ جمعہ نادے آ تینا اسہ بیان اسے ٹی اوپارے کہ ایل او سی آ کودک شاری تے شست کرسا بھارتی حکومت مقبوضہ جموں و کشمیر اٹی تینا ڈوہ تے ڈکھنگ کپک ۔ ایل او سی آ سم کاری نا مسخت بھارت نا تہہ ٹی السی برانز آن دنیا نا چکار ءِ اینک کننگ نا ءِ ۔ اوپارے کہ خار، تعصب و انسانیت دشمنی ءُ بھارتی گنوکی رویہ غاتیان دنیا نا امن خطرہ ٹی ءِ، نریندر مودی حکومت انسانیت دشمنی نا سیاہ باب کودک آتا دتر اٹ نوشتہ کننگ ءِ دنیا نوٹس ہلے ۔ اوپارے کہ ایل او سی آ بھارتی فوج انا سم کاری آن شہیدی تیا اقوام متحدہ، سلامتی کونسل ، فوجی مبصر پڑک کارروائی کیر ۔ ایل او سی آ بھارتی جارحیت سویلی ایشیاء و دنیا نا امن کن بھلو شکست اسے نا سوب مننگ کیک ۔ بھارتی جارحیت نا برخلاف مچ آ قوم سلہہ بند فوج اتون ہم کوپہ ءُ، ہر جارحیت نا پبی ورندی ءِ ایتنہ ۔ بھارتی آرمی چیف نا بیان عکاس ءِ کہ بھارت خطرناک عزم اتون ڈیہ ٹی خاخر اس لگفنگ خواہک ۔
