اسلام آباد ۔ 20 دسمبر (اے پی پی) گوادر اٹی فقیر اسکول نا توسیعی جوڑ جاڑی کاریم ستمبر 2020ء اسکان پورو مریک ۔ فقیر مڈل اسکول نا آپریشنل ڈیپارٹمنٹ نا پروجیکٹ ڈائریکٹر ٹین جیانون نا پاننگ ءِ کہ گوادر اٹی فقیر اسکول نا ودکی نا بابت جوڑ جاڑی کاریم ترند رفتاری اٹ برجاءِ ہرا ستمبر 2020ء اسکان پورو مریک ۔ یات سلے کہ فقیر پرائمری اسکول ءِ مڈل نا کہول آ اپ گریڈ کننگ انگءِ ہراڑکن 9 پین کمرہ جوڑ کننگ ءِ پک کرسا اوفتے ٹی بنداوی آسراتی و سازو سامان ہم تننگک ۔ چائینہ فاءونڈیشن فارپیس اینڈ ڈویلپمنٹ فنڈ مہیا کیک وخت اس کہ چائینہ کمیونیکیشنز کمپنی لمیٹڈ جوڑ جاڑی باندات آتے ایسر کننگ نا زموار مریک ۔ داکان بیدس گوادر ڈویلپمنٹ اتھارٹی پروجیکٹ نا کوالٹی و پیش رفت نا عمل آ چاروکی ءِ کیک ۔
