امیر البحر ایڈمرل ظفر محمود عباسی نا کیڈیٹ کالج حسن ابدال اٹی دود آن تران

اسلام آباد ۔ 20 دسمبر (اے پی پی) امیر البحر ایڈمرل ظفر محمود عباسی پارینے کہ گچین و سرسہب زند انا وڑ، اللہ غا پورو ایمان، بنداوی اسلامی تعلیمات آتا پابندی و کڑد انا پکائی ٹی ءِ ، کیڈٹ آتا کڑد سازی و آب اٹ تعلیم نا فراوانی کن ادارہ نا پدریسہ گچین کوشست آک سفت نا قابل ءُ ۔ او جمعہ نا دے آ کیڈٹ کالج حسن ابدال اٹی لمہ و باوہ دے انا دود آن تران کریکہ ۔ ترجمان پاک بحریہ نا رداٹ امیر البحر ایڈمرل ظفر محمود عباسی تینا مسکوہی مادر علمی ٹی تران کرسا کیڈٹ آتا کڑد سازی و آب اٹ تعلیم نا فراوانی کن ادارہ نا پدریسہ گچین کوشست آتا ستاءِ کرے ۔ اوکیڈٹ آتیا زور شاغا کہ او تینا کالج نا شاندار روایت آتے سوگوی اٹ برجاتخر ۔ امیر البحر تینا تران اٹی علامہ اقبال نا ورناتا بابت شئیر و قائداعظم نا فرمودات آتیان ہم کیڈٹ آتے معلومدار کرے ۔ اوپارے کہ گچین و سرسہب زند انا وڑ، اللہ غا پورو ایمان، بنداوی اسلامی تعلیمات آتا پابندی و کڑد انا پکائی ٹی ءِ ۔ داکان مست ادارہ نا پرنسپل کالج نا سالانہ رپورٹ ءِ پیش کرے و تعلیم، گوازی و نصابی سرجزآتے ٹی کیڈٹ آتا کارکڑدگی ءِ مون آتخا ۔ امیر البحر نمان کاکڑد نشان تروک آ کیڈٹس و چیمپیئن ونگز اٹی انعام بشخ وپانٹ کرے ۔ دود اٹی مارچ پاسٹ، جمناسٹک ، گھڑ سواری و مارشل آرٹس نا شاندار مظاہرہ ہم پیش کننگا ۔ سول و ملٹری شخصیت آک، علاقہ نا شرفمند آک و کیڈٹ آتا لمہ و باوہ غاتا بھلو کچ اسے ٹی دود اٹی بشخ ہلکر ۔