وزیراعظم و عسکری سرکڑدہ غاک اواری اٹ ملک ءِ مون تروک چیلنج آتیان کشنگ ءُ، ڈاکٹر فردوس عاشق اعوان

اسلام آباد ۔ 20 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ادارہ غاتا سوگوی جمہوریت ءِ مون آ دننگ کن المی ءِ ۔ نجی ٹی وی چینل تون گپ وتران کرسا اوپارے کہ پیشن نا عنصر و اوفتا تہہ نا آلہ کار آک ملک ءِ نزور ی و ادارہ غاتے نزور کننگ نا مذموم عزم اٹ بے سہب مریرہ ۔ ادارہ غاتا سوگوی ملکی شونداری ، جمہوریت نا مون آ دننگ و السی شرحالی کن المی ءِ ۔ فردوس عاشق اعوان پارے کہ وزیراعظم عمران خان نا سرکڑدہ ہی ٹی ملک انا روشنا آخبت نا برخلاف سازشی عنصر آتے شکست ایتنہ، ملک انا غٹ ادارہ غاتے ٹی ہم گرنچی و تین پہ تینی پت انا اہم ءُ گرج اسے ۔ پیشن نا عنصر آک و اوفتا تہہ نا آلہ کار آک ملک ءِ نزوری و ادارہ غاتے نزور کننگ نا مذمو م عزم اٹی بے سہب مریرہ ۔ وزیراعظم تینا موقف اٹ نئے مستین اٹی پدی مس و نئے مریک اوتینا موقف آ سلوک ءِ ۔ وزیراعظم عمران خان نا سرکڑدہ ہی ٹی ملک اناروشنا آخبت نا برخلاف سازشی عنصر آتے شکست ایتنہ ۔ فردوس عاشق اعوان پارے کہ وزیراعظم عمران خان و عسکری سرکڑدہغاک اواری اٹ جوان وڑاٹ ملک ءِ مون تروک چیلنج آتیان کشنگ ءُ ۔ اوپارے کہ ملک معاشی سوگوی و شونداری نا مز ل نا کنڈا ہِننگ ءِ ۔ ڈاکٹر فردوس عاشق اعوان پارے کہ فیصلہ تننگ جج آتا حق ءِ ۔ جج آتا فیصلہ اوفتا کنڈکٹ ءِ پاش کیک ۔ اوپارے کہ آرٹیکل 6انا مقدمہ کن ہمووخت انا حکومت کابینہ غان منظوری ہلنگتویسس ۔ سنگین غداری نا مقدمہ جندی عناد و است خواہی تا بنداو آ جوڑ کننگاسس ۔