وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا ٹویٹ

اسلام آباد ۔ 20 دسمبر (اے پی پی) وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارینے کہ پیشن نا عنصر و اوفتا تہہ نا آلہ کار آک ملک ءِ نزوری و ادارہ غاتے نزور کننگ نا مذموم عزم اٹی بے سہب مریرہ، وزیراعظم عمران خان نا ہم جہت سرکڑدہ ہی ٹی قوم ملک انا روشنا آخبت نا برخلاف سازش کروک آ عنصر آتے شکست ایتک ۔ جمعہ نا دے آ تینا ٹویٹ اٹی ڈاکٹر فردوس عاشق اعوان پارے کہ ملک انا غٹ ادارہ غاتے ٹی ہم گرنچی و تین پہ تینی پت وخت انا اہم ءُ گرج اسے ۔ ادارہ غاتا سوگوی ملکی شونداری، جمہوریت نا مون آ دننگ و السی شرحالی کن المی ءِ ۔ اوپارے کہ وزیراعظم عمران خان و عسکری سرکڑدہ غاک اواری اٹ جوان وڑاٹ ملک ءِ مون تروک چیلنج آتیان کشنگ ءُ ۔ ملک معاشی سوگوی و شونداری نا مزل نا کنڈا ہِننگ ءِ ۔