اسلام آباد ۔ 20 دسمبر (اے پی پی) صدر مملکت ڈاکٹر عارف علوی پارینے کہ انفارمیشن ٹیکنالوجیز قوم تا شونداری و شونہالی کن اہم ءِ، ڈیجیٹل پاکستان نا تصورءِ حقیقت جوڑ کننگ کن ہواوے ، وزارت انفارمیشن ٹیکنالوجی و ٹیلی کمیونیکیشن ا ویلو شریدار آتا نیام اٹ کمکاریءِ مون آ دننگے ۔ داخیال آتا درشانیءِ او ہواوے نا سپر وائزری بورڈ انا باسک سٹیون یی تون گپ و تران کرسا کرے ہرافک اسہ ڈل اسے تون اوار جمعہ نادے آ ایوان صدر اٹی اوڑتون اوڑدہی کریر ۔ صدر مملکت پاکستان نا انفارمیشن اینڈ کمیونیکیشن ٹیکنالوجی انڈسٹری ٹی ہواوے نا کڑد انا ستاءِ کرسا آئی سی ٹی ٹیلنٹ نا مون آ دننگ کن اونا خذمت آتا ستاءِ کرے ۔ اوڈیجیٹل پاکستان ناتصور ءِ حقیقت اٹ کننگ کن ہواوے و وزارت انفارمیشن ٹیکنالوجی و ٹیلی کمیونیکیشن و ایلو شریدار آتا نیام اٹ کمکاری نا گرج آ زور شاغا ۔ دا چرجوئی ٹی اوپارے کہ این آئی ٹی بی، ڈیجیٹیل پاکستان نا ٹیم و صدر نا آئی سی ٹی ٹیلنٹ ٹریننگ پروگرام تون اواری اٹ کاریم کننگ کن ہواوے تینا آئی سی ٹی نا چاہندار آتے پاکستان آ گدریفے ۔ داوخت آ ہواوے نا سپر وائزری بورڈ انا باسک صدر مملکت ءِ کمپنی نا رواں سال جہانی کہول آ پدریسہ نمو نا بارواٹی معلومدار کرے و پاکستان اٹی آئی سی ٹی انڈسٹری، ٹیکنالوجی ٹرانسفر و آئی سی ٹی ٹیلنٹ ٹریننگ نا بارواٹی ہم پارے ۔ اوڈیجیٹل پاکستان نا چیلنج آتا بارواٹی تینا تاثر آتیان صدر مملکت ءِ معلومدار کرے وپارے کہ ہواوے پاکستان اٹی جہانی آئی سی ٹی فورم و جہانی صف اول نا آئی سی ٹی نا چاہندار اتنگ نا است خواہ ءِ ۔ اوپارے کہ ہواوے ٹیکنالوجی ٹرانسفر و آئی سی ٹی اکیڈمی تون اوار اوار صدر مملکت نا مصنوعی ذہانت و کمپیوٹنگ نا گام انا کمک اٹ ہندی آئی سی ٹی ٹیلنٹ ءِ مون آ دننگ کن کاریم ءِ برجاتخک ۔
