ننا راج ءِ ایماندار و فرض شناس آفیسر آتا گرج ءِ، صوبائی وزیر داخلہ میر ضیاء لانگو

کوءٹہ ۔ 19 دسمبر (اے پی پی) صوبائی وزیر داخلہ میر ضیاء لانگو کوءٹہ ٹی دز ءِ دُزی کننگ ناوخت آ دزگیر کننگ آ پولیس ٹیم ءِ شاباشی تس و پارینے کہ ننا راج ءِ ایماندار و فرض شناس آفیسر آتا گرج ءِ ۔ داخیال آتا درشانی ءِ او تینا دفتر اٹی اسہ ڈل اسے تون اوڑدہی کرسا کرے ، اوپارے کہ شاری تا جان و مال انا رکھ ، ڈوہ تا توننگ، ڈوہدار بندغ آتے اوفتا کروک نا سزا تننگ و الس اٹی احساس رکھ ودی کرسا امن و ایمنی ءِ بحال کننگ پولیس نا اولی زمواری تیٹی اوار ءِ اگہ ہر پولیس آفیسر و ماتحت تینا فرض آ خلوص مرسا ہنداوڑ دیانت داری و خواری اٹ ادا کے تو نئے بیرہ پولیس نا شرف بڑز مریک بلکن امن و ایمنی نا حالیت آتے ٹی ہم پین گچینی اتنگ مریک ۔ اوپارے کہ ڈوہ انا توننگ اٹ پولیس نا اہم ءُ کڑد اسے، کانودی خواست ءِ پورو کننگ ظلم و نا انصافی آنبار ءِ ہراڑان الس اٹی پولیس نا برخلاف خار و بے پتی ودی مریک ۔ مقدمہ سے نا جاست وپاست انا چرجوئی ٹی اسہ زریں اصول پولیس 2;47;25 اٹی وضاحت اتون درج کننگانے ۔ ہرانا رداٹ ہر جاست وپاستی پولیس آفیسر نا فرض ءِ کہ او زیر تفتیش مقدمہ ٹی سچائی پٹے انتئے کہ اسل حالیت و واقعہ غاتا معلوم کننگ و بیرہ اسل دوبہ دار ءِ دزگیر کننگ ہر جاست وپاستی آفیسر نا مسخت مرے و ہندا مسخت آتے دوئی کننگ کن او دے کوشست کروئی مرے ۔