وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان نا میڈیا ورکشاپ آن تران

اسلام آباد ۔ 19 دسمبر (اے پی پی) وزیراعظم نا خصوصی کمکار حوالکاری وشین کاری ڈاکٹر فردوس عاشق اعوان پارینے کہ مسکوہی صدر جنرل (ر) پرویز مشرف نا برخلاف سنگین غداری کیس اٹی سرجم فیصلہ نا جاچ ءِ ہلنگ آن پد کانودی ٹیم انا سلابت اٹ حکومت تینا لاءحہ عمل ءِ طے کیک، حکومت انصاف تون سلوک مریک، سنگین غداری کیس اٹی اپیل نا فیصلہ مشرف نا وکیل آتے کروئی ءِ ۔ او انفارمیشن سروسز اکیڈمی ٹی ’’صحافی تا کڑد و آخبت نا چیلنجز ‘‘ نا سرحال آن میڈیا ورکشاپ آن تران و صحافی تون گپ و تران کریکہ ۔ مسکوہی صدر جنرل (ر) پرویز مشرف نا برخلاف خصوصی عدالت نا سرجم فیصلہ نا بابت سوج انا ورندی ٹی وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارے کہ اینو خصوصی عدالت سرجم ءُ فیصلہ اس جاری کرینے، حکومت نا کانودی ٹی دا فیصلہ نا بغور مطالعہ ءِ کننگ آن پد تینا لاءحہ عمل ءِ طے کیک ۔ اوپارے کہ پاکستان تحریک انصاف تینا بنداوی منشور نا رداٹ ہروار آنبار انصاف تون سلوک مریک ۔ اوپارے کہ فیصلہ کننگ و فیصلہ ٹی انصاف نا مرسا نظر بننگ اِرا جتا ءُ گڑاءُ، اگہ دا کیس اٹی ہم انصاف مسنے تو حکومت اوڑتون سلوک مریک و اگہ دا کیس انا فیصلہ ٹی انصاف نا خواست آک پورو متوس تو انصاف نا متلاشی مرسا انصاف اسکان سرمرینہ ۔ اسہ سوج اسے نا ورندی ٹی اوپارے ہ دا کیس اٹی حکومت ءِ آخا مسکوہی صدر جنرل (ر) پرویز مشرف نا وکیل آتے اپیل اٹ ہننگ نا فیصلہ کروئی ءِ، ہراتم اپیل دائر مریک تو ولدا حکومت دائر اپیل نا کانودی پہلو تے ہُننگ آن پد فیصلہ کیک، حکومت انصاف ءِ پلنگ تون تفپک بلکن کانود و کانود نا دفاع ٹی سلک ۔ داکان مست میڈیا ورکشاپ نا بشخ ہلوک آتیان تران کرسا وزیراعظم نا خصوصی کمکار ڈاکٹر فردوس عاشق اعوان پارے کہ وزیراعظم عمران خان نا وژن نا رداٹ پریس انفارمیشن ڈیپارٹمنٹ ءِ ہم آٹومیشن و ڈیجیٹلائزیشن نا کنڈادننگ اُن ، ننا کوشست ءِ کہ قومی اخبار و علاقائی اخبار آتے سرکولیشن نا رداٹ میرٹ آ اشتہار تننگے دا بابت میڈیا و اشتہار آتا پالیسی نا مسودہ ءِ وزیراعظم ءِ پیش کننگانے، وزیراعظم دا غٹ اسٹیک ہولڈر آتون سلابت آن پد مسودہ ءِ حتمی دروشم تننگ نا پارت تسنے ۔ اوپارے کہ علاقائی اخبار آک علاقائی ویل آتے تالان کننگ و حکومتی پالیسی تے الس اسکان سرکننگ اٹ اہم ءُ کڑد اس ادا کیرہ اوفتا غٹ ویل آتا ایسری کن وزارت حوالکاری وشین کاری ، پی آئی ڈی و تعلقدار ادارہ غاک پبی تینا کڑد ءِ ادا کیرہ ۔ اوپارے کہ وزیراعظم نا مشن نا رداٹ اشتہار آتا فراوانی ہم حق حقدار اسکان سرکینہ ۔ اوپارے کہ چین ، قطر ، جاپان ، ترکی ، یورپین یونین، جائیکا ، سیڈا، یوایس اے آئی ڈی تون اوار ایلو انٹرنیشنل ڈونرآتون پاکستانی صحافتی تا اسکالر شپ ، تربیت نا وارخواہی فراوان کننگ آ ہیت وگپ مننگ ءِ ۔ صحافی تیکن جہانی کہول آ وارخواہی اتنگ اُن ۔ صحافی تا لاءخی تیٹی ودکی آن زموارانہ صحافت ءِ مون آ دننگک ۔ اوپارے کہ ریجنل پریس کلبز و آئی ٹی ڈیسک اس جوڑ کننگ اُن، راولپنڈی اسلام آباد پریس کلب آن پائلٹ پروجیکٹ نا بناءِ کننگک ۔