اسلام آباد ۔ 19 دسمبر (اے پی پی) مزنیں دکان ءُُ ریٹیل آءوٹ لیٹس آنی تہ ءَ بہا کنگ ءِ ریکاٹ ءَ را فیڈرل بورڈ آف ریونیو (ایف بی آر) ءِ کمپوٹرائز نظام ءَ گوں بندوک کنگ ءَ چہ نا ایوک ءَ دکان ءُُ ریٹیل آءوٹ لیٹس مالک آناں سیلز ٹیکس ریٹرن جوڑ کنگ ءَ کمک رسیت بلکینگ ءَ بار بار چار ءُُ تپاس کنگ ءِ کار کم ءُُ ھلاس بنت ءُُ ھرچ ءُُ درچ آنی تہ ءَ ھم کمی بوت کنت، کار رپک ءَ گوں بندوکیں دکاندار آناں 17درسد ءِ مٹ ءَ 14 درسد سیلز ٹیکس ءِ دیگ ءِ تہ ءَ کنسیشن دیگ بوتگ ۔ ترجمان ایف بی ا ار ءَ پنچ شمبے ءِ روچ ءَ ادا ’’اے پی پی’’ ءَ گوں تران کنا ءَ گوشت کہ چیئرمین ایف بی آر سید شبر زیدی ءَ اے رد ءَ ان لینڈ ریونیو ءِ توا میں چیف کمشنرز ءَ را ریٹیل آءوٹ لیٹس آنی تہ ءَ پوائنٹ آف سیل، انوائسنگ نظام (پی او ایس) ءِ گامگیج چست کنگ پنت ءُُ شون جاڑی کتگ ءُُ آئی گوشتگ کہ آ وتی سیادی داروکیں دمگ آنی تہ ءَ ٹیئر ۔ ون ءَ گوں بندوک ریٹیل آءوٹ لیٹس ءُُ مزنیں دکان آناں ایف بی آر ءِ کمپیوٹرائز نظام ءَ گوں یک شل ءَ بندوک کنگ ءِ دل یکیمی بکن انت ءُُ ھما آءوٹ لیٹس پشت کپتگ اَنت ایشاناں اے نظام ءَ گوں ھوار کنگ ءِ واستہ 25دسمبر ءَ تاں پکوئیں گامگیج کنگ بہ بیت ۔
