ڈپٹی سپیکر راجی اسمبلی قاسم خان سوری ءِ فلسطینی سفیر ءَ گوں گند ءُُ نند ءَ تران

اسلام آباد ۔ 19 دسمبر (اے پی پی) ڈپٹی سپیکر قومی اسمبلی قاسم خان سوری ءَ گوشت کہ پاکستان فلسطین ءَ گوں جھلانکیں دلی نزیکی دار ایت پاکستانی الس آنی دل فلسطینی الس آنی گوما یک پچئیءَ جنت، پاکستان ءُُ فلسطین نیک راھ، یکوئی، راجدپتر ءُُ دود ءُُ ربیدگ ءِ بے دروریں ریشگ آں گوں بندوک انت، پاکستان فلسطینی دمگ آنی سر ءَ اسرائیلی کبزہ کنگ ءُُ آبات کاری ءَ را مذمت کنت انت، پاکستان ءَ مرچیگ ءَ تاں اسرائیل ءَ را تسلیم نہ کتگ ءُُ ناکہ کدئی کنت انت، پاکستان ءَ مُدام توا میں میاں اوستمانی ءُُ دمگی فورمز آنی سر ءَ فلسطین ءَ بوھوکیں اسرائیلی ظلم آنی ھلاپ ءَ گوانک چست کتگ ۔ قومی اسمبلی سیکرٹریٹ ءِ رد ءَ اے ھیالانی درشانی آئی ءَ پنچ شمبے ءِ روچ ءَ پاکستان ءَ پوسٹیں فلسطین ءِ سفیر احمد جواد رابی ءَ گوں گند ءُُ نند ءِ ساھت ءَ کت ۔ گند ءُُ نند ءَ فلسطین ءُُ کشمیر ءِ جاور ھال، الس ءِ جیڈھ ءُُ وت مہ وتی واھگی کار آنی رد ءَ ھیال ریچی کنگ بوت ۔ ڈپٹی سپیکر قاسم سوری ءَ گوشت کہ پاکستان فلسطین ءَ گوں جھلانکیں دوستی ءُُ واھگ است انت ۔ پاکستان ءَ مرچیگ ءَ تاں تسلیم نہ کتگ ءُُ نہ کنت انت ۔ پاکستان مسلمان آنی نیام ءَ یکوئی ءِ سر ءَ یکیم دار ایت ۔