کوءٹہ ۔ 19 دسمبر (اے پی پی) صوبائی سلاہکار و چیئرپرسن کیو ڈی اے گودی بشریٰ رند نا پاننگ ءِ کہ نیزگاری نا غٹ آن بھلا سوب آبادی ٹی ودکی ءِ دُن کہ اسہ اُراسے ٹی اِرابندغ ءُ ہڑتوم آتون اِرا اِرغ ءُ، اگہ اوفتا اُراٹی اِرا پین بندغ بریر تو اوفتے نیم نیم اِرغ نصیب مریک ۔ ہنداوڑ اگہ چار پین بریر تو اوغٹ ءِ اِرا اِرغ نا چورک اس نصیب مریک ۔ داخیال آتا درشانی ءِ او پی پی اے ایف نا کنڈآن کوءٹہ سرینا ہوٹل اٹی 2دے ئی ورکشاپ نا بشخ ہلوک آتیان تران کرسا کرے اونیزگاری نا بابت آن اسہ مثل اس ترسا پارے کہ داسہ داڑے ہیت آ دا غور کننگ والا ءِ کہ ہر بندغ تینا حساب اٹ جتاءُ سسٹم اس تخک یعنی کس اس اسہ اِراغ اس کنیک سیر کیک تو کس اس اِرٹ ۔ داسہ ہرا خلقت زیات کنوک آک ءُ اوفتیا خراب ءُ زہم اس ودی مریک وو او برائی کننگ آ بریرہ ۔ نیزگاری بھاز بھلا سوب آبادی ٹی ودکی ءِ ۔ دنیا ٹی داوخت آ کم و ود ہفت کھرب خلقت رہینگرہ ۔ ہر بندغ ایلو بندغ آن جتاءِ ہر بندغ فاقہ کننگ کپک ہنداوڑ نیزگاری ڈوہداری ءِ ودی کیک، بلوچستان اٹی ہم نیزگاری نا کچ بھاز زیات ءِ ہرانا بابت وزیراعلیٰ بلوچستان جام کمال داڑا دے و نن کاریم کننگ ءِ تانکہ بلوچستان نا خلقت ءِ روزگار فراوان کننگ مرے ، داوخت آ باسک صوبائی اسمبلی زینت شاہوانی ، مسکوہی بنجائی وزیر روشن بروچہ و یلو سول سوساءٹی نا خلقت بھلو کچ اسے ٹی بشخ ہلکر ۔
