سرینگر ۔ 19 دسمبر (اے پی پی) مقبوضہ کشمیر اٹی پنچ شنبے نادے آ پدریسہ 137می دے آ ہم بھارتی فوجی گھیڑ برجاءِ و دانا برخلاف وادی کشمیر و جموں نا مسلم گیشتری علاقہ غاتا خلقت اٹی غم و غصہ خننگک ۔ کشمیر میڈیا سروس نا رداٹ مقبوضہ علاقہ ٹی بھلو کچ اسے ٹی بھارتی فوجی تا تعیناتی آن بیدس دفعہ 144 نا رداٹ سخت پابندی نافذ ءُ ۔ وادی کشمیر اٹی 80 لکھ آن زیات کشمیری تے پدریسہ لاک ڈاءون نا سوب آن بھاز مشکل آتا مون تروک ءِ ۔ انٹرنیٹ ، پری پیڈ موبائل فون و ایس ایم ایس سروس ہم پدریسہ بند ءُ ۔ انٹرنیٹ نا پدریسہ معطلی نا سوب آن خلقت نا نئے بیرہ تینا قرب و جوار بلکن پیشن نا دنیا تون رابطہ منقطع مسنے ۔ طالب علم ، صحافی، ڈاکٹر، پوریاگر و ایلو کسبی آ بندغ آک بھاز بے وڑ زہمی مسنو ۔ داڑے وادی کشمیر اٹی خلقت سول نافرمانی نا تحریک نا تحریک نا کمک اٹ بھارت نا کشمیری مخالف گام گیج آتا برخلاف چک وتاڑ و تینا غم و غصہ نا درشانیءِ برجاتخانو ۔ داتحریک اٹی خلقت تینا دوکان و واپاری ہند آتے بند تخرہ و اسکول و دفتر آتیا ہنپسہ ۔ دوکانک سہب و شام انا وخت آتے ٹی بیرہ منہ گھنٹہ کن ملنگرہ ۔ گیشتر پبلک ٹرانسپورٹ ہم بند ءِ ۔
