چیئرمین ای او بی آئی اظہر حمید نا ’’اے پی پی‘‘ تون گپ و تران

ای او بی آئی نا لاہور اٹی اِرامیگا پروجیکٹ آتیا کاریم فروری 2020ء ٹی بناکیک، اسلام آباد اٹی او ای سی ٹاور آ کاریم دسمبر 2020ء اسکان پورو کننگک

اسلام آباد ۔ 19 دسمبر (اے پی پی) چیئرمین ای او بی آئی اظہر حمید پارینے کہ اونا ادارہ نا لاہور اٹی اِرامیگاپروجیکٹ آتیا کاریم فروری 2020ء ٹی بناکیک، اسلام آباد نا سیکٹر جی ایٹ اٹی او ای سی ٹاور و آئی ایٹ اٹی سینی پلیکس و کمرشل کمپلیکس آ کاریم ترندی اٹ برجاءِ ہرادے دسمبر 2020ء اسکان پورو کننگک ۔ چیئرمین ای او بی آئی اظہر حمید ’’اے پی پی‘‘ تون گپ وتران کرسا پارے کہ لاہو راٹی ہوٹل و جوہر ٹاءون اٹی دفتر آتیا تالان ماڑی نا بحالی نا کاریم فروری 2020 ء ٹی بناکیک ۔ اظہر حمید پارے کہ اونا ہر چار آ پروجیکٹ آتا پورو مننگ آ ادارہ ءِ 6 ارب روپئی سالانہ کٹیا دوئی مریک ہرا پینشنرآتا راجی آسراتی آ خڑچ کننگک ۔ اوپارے کہ وزارت اوورسیز پاکستانیز ای او بی آئی ٹی پوسکن ءُ اصلاحات درستی راستی کرفینے ہراڑان ارب آ روپئی نا فنڈ آتے زیان مننگ آن بچفنگ مریک ۔ او ای او بی آئی ٹی رجسٹرڈ کمپنی تیا زور شاغا کہ او تینا ملازم آتا پینشن فنڈ اٹی ودکی کیر تانکہ پینشنر آتے گچین آسراتی سرکننگ مرے ۔