اسلام آباد ۔ 19 دسمبر (اے پی پی) وزیر خارجہ مخدوم شاہ محمود قریشی پارینے کہ ننا امن نا است خواہی ءِ ننا نزوری تکنگپ، پاکستانی قوم انا کنڈآن نریندر مودی سرکار ءِ باور کرفنگ خواوہ کہ اگہ جارحیت کرے، فالس فلیگ آپریشن کننگا یا پین بہانہ سے آ پاکستان آ جلہو گیر مننگ نا کوشست کرے تو پاکستانی فوج تیار ءِ وخت آ و جوان ورندی تننگک، بھارتی آرمی چیف نا بیان بے کچ غیر زموارانہ ءِ، ننا انٹیلیجنس بھلو نقل و حرکت اسے محسوس کرینے ، ہراداہیت انا اشارہ ءِ ایتک کہ بھارت نا ارادہ غاک سہی افس ۔ اوپارے کہ نن پرامن خلقت اُن ولے ننا امن نا است خواہی ءِ ننا نزوری تکنگپ ۔ بھارت جنوری 2019ء آن داوخت اسکان 3ہزار وار لین آف کنٹرول نا خلاف ورزی ءِ کرینے، زالبول و چناتے تون اوار کودک بندغ آتے شست کننگانے ۔ داخیال آتا درشانیءِ او پنچ شنبے نادے آ تینا اسہ ویڈیو بیان اسے ٹی کرے ۔ مخدوم شاہ محمود قریشی پارے کہ مقبوضہ کشمیر اٹی کرفیو ءِ 136دے مسنے، مواصلات نا ذریعہ غاک بند ءُ میڈیا و سفارتکار آتیا پابندی ءِ، بھارت نا عزم آتے ہرسا ای اسہ پین چھٹی اس سلامتی کونسل نا صدر آ راہی کریٹ، بھارت اٹی جھیڑہ ئی شہریت بل انا برخلاف خلقت برانز کننگ ءُ، دا برانز آن چکار ءِ اسہ کنڈ کننگ کن ننے ہندوستان نا کنڈآن پوسکن ءُ ناٹک اس کننگ نا گڑتی ءِ ۔ وزیر خارجہ پارے کہ بھارت نا عزم آتے ہرسا ای اسہ پین چھٹی اس سلامتی کونسل نا صدرآ راہی کریٹ ۔ دا کنا ہفت می چھٹی ئس ہراٹی ای ہمو گام گیج آتا پیدواری ءِ کرینٹ ہرافتیان بھارت نا ناپاک عزم پاش مریک ۔ ای خاص وڑاٹ چار گام گیج آتا چکار ءِ کرفینوٹ ۔ لین آف کنٹرول آ لگوک آ باڑ ءِ پنچ جاگہ غان کاٹ کرینے دانا پد اٹ انت عزم اسے انت پوسکن ءُ مس ایڈ ونچر اس مننگ والا ءِ;238; داڑاہم ننے گڑتی ءِ ۔ اوپارے کہ جنوری 2019ء آن داوخت اسکان مسہ ہزار وار لین آف کنٹرول نا خلاف ورزی ءِ کننگانے، 300 نا خڑک کودک انسان تے شست کننگانے، ہرافتے ٹی زالبول و چناک ہم اوار ءُ ۔ ننا دا چھٹی نا بنداو آ اقوام متحدہ سیکورٹی کونسل اٹی چین دا ویل ءِ ارٹ میکو وار ہرفے ۔ اولیکو وار پنچ اگست نا بھارتی گام گیج نا رداٹ دا ویل ءِ سیکورٹی کونسل اٹ ہرفنگا ، اقوام متحدہ سیکورٹی کونسل اٹی بند کمرہ نا دیوان اٹی مچ آ حالیت آتا جاچ ءِ ہلنگا ۔ ای سمجھیوہ کہ چین دا ویل ءِ سلامتی کونسل اٹی وخت آ دا باندات ءِ ہرفنگانے ۔ اوپارے کہ داسہ دا پوسکن آ گام گیج آتے مون آ تخسا سلامتی کونسل ءِ اقوام متحدہ نا فوجی مبصر پڑک ہراننا کنڈاہم ساڑی ءِ و بھارت اٹی ہم تعینات ءِ اونا کمک اٹ پٹ وپول کرفنگے و او ڈغاری راستکی تیان سلامتی کونسل ءِ معلومدار کے ۔ نن سمجھنہ کہ دا چرجوئی ٹی زوت آن زوت تاریخ نا تعین ءِ کننگے تانکہ راستکیک انڈیپنڈنٹ ذریعہ اٹ دمدستی سلامتی کونسل اسکان سرمریر ۔ اوپارے کہ نریندر مودی نا عزم پیدوار ءِ غٹ آن مست 5 اگست آ غیر کانودی گام گیج کننگا ہراٹی مچ آ کشمیر سراپا برانز کننگ ءُ امریکہ، یورپی یونین، ہاءوس آف کامنزو مچ آ دنیا ٹی برانزی مچی کننگا ۔ اوپارے کہ نن سمجھنہ کہ دافتے توننگ کن بھارت ظالمانہ گام گیج چست کے ۔
