اسلام آباد۔ 16 فروری (اے پی پی) قومی اسمبلی نا قائمہ کمیٹی اطلاعات ، نشریات و قومی میرات بروک آ مالی سال انا سرکاری بشخ انا شونداری پروگرام (پی ایس ڈی پی 2017-18) ٹی وزارت نا ذیلی ادارہ اے پی پی، پی بی سی ، پی ٹی وی، پی آئی ڈی ، آئی ایس اے، ڈیمپ و پیمرا نا 38 ڈٹ آتے کن 2 ارب 28 کروڑ 1لکھ 30 ہزار روپئی نا فنڈجتا کننگ نا سلاہ نا منظوری ئِ تسنے۔ فنڈپی ایس ڈی پی 2017-18 ءٹی جتا کننگ آن پد دا ڈٹ آتیا کاریم نا بناءکننگک۔ پنچ شنبے آ کمیٹی نا دیوان محمد اسلم بودلہ نا کماشی ٹی وزارت اطلاعات و نشریات نا کمیٹی روم اٹی اڈ ہلک ۔ دیوان اٹی وزیر مملکت اطلاعات ، نشریات و قومی میرات مریم اورنگزیب ، جوائنٹ سیکرٹری وزارت اطلاعات و نشریات ظہور برلاس، ایم ڈی اے پی پی مسعود ملک، ڈائریکٹر جنرل پی بی سی صباءمحسن، چیئرمین پیمرا ابصار عالم، ڈائریکٹر جنرل انفارمیشن سروسز اکیڈمی شیراز لطیف تون اوار ایلو ذیلی ادارہ غاتا سروک و کمیٹی نا باسک آک ساڑی ئسر۔ جوائنٹ سیکرٹری وزارت اطلاعات و نشریات ظہور برلاس کمیٹی ئِ بریفنگ ترسا پارے کہ پاکستان ٹیلی ویژن کارپوریشن (پی ٹی وی سی) نا 10 برجاہ ڈٹ و اسہ پوسکن ئُ ڈٹ اسے کن 922.9 ملین، پاکستان براڈ کاسٹنگ کارپوریشن (پی بی سی) نا 2برجاہ و 5پوسکن آ ڈٹ آتے کن 686.196ملین، پاکستان نیشنل کونسل آف آرٹس (پی این سی اے) نا 8 پوسکن آڈٹ آتے کن 259.9 ملین، پریس انفارمیشن ڈیپارٹمنٹ (پی آئی ڈی) نا اسہ ڈٹ اسے کن 169.484ملین، ایسوسی ایٹڈ پریس آف پاکستان کارپوریشن (اے پی پی سی) نا 2 ڈٹ آتے کن 86ملین ، ڈائریکٹوریٹ آف الیکٹرانک میڈیا اینڈ پبلی کیشنز (ڈیمپ) انا اسہ ڈٹ اسے کن 55ملین، انفارمیشن سروسز اکیڈمی(آئی ایس اے) نا اسہ ڈٹ اسے کن 15.55ملین نا فنڈ سرکاری بشخ انا شونداری پروگرام (پی ایس ڈی پی2017-18) ٹی جتا کننگے۔ کمیٹی امنائی اٹ وزارت اطلاعات نا غٹ ذیلی ادارہ غاتا پی ایس ڈی پی 2017-18ءکن بجٹ سلاہ نا منظوری ئِ تس۔
