بجٹ ءِ عمل ءِ سرجمی ءَ پد دلگوشی پالیسی جوڑ کنگ ءَ چہ دیم ءَ ایشی ءِ موثر عملدرآمد ءِ نیمگ ءَ روت، خرم شہزاد

اسلام آباد۔ جون(اے پی پی):  وفاقی وزیر خزانہ ءِ مشیر خرم شہزاد ءَ گوشت کہ بجٹ ءِ عمل ءِ سرجمی ءَ پد مئے دلگوشی پالیسی جوڑ کنگ ءَ چہ دیم ءَ روت ءُ ایشی ءِ موثر عملدرآمد ءِ نیمگ ءَ روت، نوکیں سفر بندات بوتگ۔ سئے شمبے ءِ روچ ءَ ادا سوشل نیٹ ورک ویب سائٹ ایکس ءِ سر ءَ جاڑی بوتگیں بیان ءِ تہ ءَ آئی ءَ گوشت کہ پاکستان ءِ پارلیمنٹ ءَ مرچی فنانس بل 2026 ءِ منظوری داتگ ایشی ءِ گوما بجٹ 2026-27 باقاعدہ کارآمد بوتگ۔ اے پڑ دوئیں ایوان آنی تہ ءَ سرجمیں بحث، پارلیمانی چکاس ءُ قائمہ کمیٹی آنی سفارشات آنی سر ءَ چار ءُ تپاسی ءَ پد سرجم کنگ بوتگ۔ فنانس ایڈوائزر ءَ گوشت کہ بجٹ ءِ عمل وتی آسر ءَ سر بوتگ بلے مئے دلگوشی پالیسی جوڑ کنگ ءَ چہ دیم ءَ ایشی ءِ جوانیں رنگ ءَ عمل کنگ ءِ نیمگ ءَ روت۔ اصلاحات ءِ سر ءَ عمل کنگ، معیشت ءَ را گیش مقابلہ ءِ لائک جوڑ کنگ، برآمدات ءَ را گیش کنگ، سرمایہ کاری ءَ را دیمروئی دیگ، روزگار ءِ نوکیں موہ پیداک کنگ ءُ الس ءِ زندمان ءَ را گہتر کنگ مئے اولی ترجی انت۔ آئی ءَ گوشت کہ وھدیکہ پاکستان ملکی تک ءَ وتی اقتصادی بنیات آناں گیش مھکم کنگ ءَ اِنت ءُ جھان ءِ تک ءَ وتی پوزیشن ءَ را مھکم کنگ ءَ اِنت، مئے دلگوشی نوں اصلاحات ءِ رفتار ءَ را تیز کنگ، سرمایہ کاری ءَ را دیمروئی دیگ، برآمدات ءِ تہ ءَ گیشی ءُ گیش ءَ چہ گیش روزگار ءِ موہ پیداک کنگ ءِ سر ءَ بیت۔ خرم شہزاد ءَ گوشت کہ اے موہ ءِ سر ءَ ما کاروباری براتی، چیمبر آف کامرس اینڈ انڈسٹری، ٹریڈ ایسوسی ایشن، کاروباری کونسل، برآمد کنوک، سرمایہ کار ءُ ایندگر مارکیٹ پارٹنر آنی ھم دل ءِ تہ ءَ منت وار ایں، آوانی ارزشتی ایں ھیال ءُ لیکہ، جوڑیشت ءِ شور ءُ سلاھ ءُ پالیسی ءِ سوج آنی تہ ءَ بجٹ سازی ءِ عمل ءَ را گیش جامع ءُ اثر مند کنگ ءَ مزنیں کرد پیلو کتگ۔ آئی ءَ گوشت کہ وزیر ھزانگ ءِ زانتکاریں سروکی ءَ یک استثنائی ٹیم ءِ گوما اے راجی کوشست ءِ تہ ءَ کسانیں کرد ءِ پیلو کنگ آئی ءِ واستہ شرپ ءِ گپ اِنت۔ آئی ءَ گیش گوشت کہ استحکام ءَ چہ پائیدار دیمروئی ءِ نیمگ ءَ سفر سوبمندیں رنگ ءَ برجاہ اِنت۔