اسلام آباد ۔ 19 دسمبر (اے پی پی) بروک آ 24گھنٹہ ٹی قطبی بلوچستان ، بڑزکو خیبر پختونخوا و گلگت بلتستان و کشمیر اٹی گڑاس ہندآتیا پڑی پڑی پِر و زرس برف باری نا گمان ءِ، وخت اس کہ بڑزکو سندھ انا گیشتر میدانی علاقہ غاتے ٹی گوتلو نا گمان ءِ ولے ملک انا ایلو علاقہ غاتے ٹی موسم یخ و بارن وخت اس کہ بڑزکو علاقہ غاک بھاز یخ مریرہ ۔ محکمہ موسمیات نا رداٹ تدوک آ 24گھنٹہ ٹی ملک انا زیات تر علاقہ غاتے ٹی موسم بارن و یخ وخت اس کہ بڑزکو علاقہ غاتے ٹی بھاز یخ ئس ولے ، قلات ، نوکنڈی ، دالبندین و گلگت بلتستان اٹی گڑاس ہند آتیا پِر و داٹی سکردو ٹی برف باری ہم مسنے ۔ اسکردو ٹی 4ملی میٹر و قلات اٹی اسہ ملی میٹر پِر وخت اس کہ سکردو ٹی 2 انچ برف باری ریکارڈ کننگا ۔ پنچ شنبے نا سہب ریکارڈ کروک آ کم آن کم درجہ حرارت نا رپورٹ نار داٹ سکردو ٹی درجہ حرارت منفی 11 ڈگری سینٹی گریڈ اسکان کم مس وخت اس کہ استور اٹی منفی 10، گوپس ، بگروٹ منفی 8، پاراچنار، گلگت ، ہنزہ منفی 5، راولا کوٹ، مالم جبہ و دیر اٹی منفی 2ڈگری سینٹی گریڈ ریکارڈ کننگانے ۔
