وزیراعظم عمران خان نا کماشی ٹی حکومتی معاشی ٹیم انا دیوان، ترسیلات زر انا مون آ دننگ، پیشن نا ملک رہینگوک آپاکستانی تے آسراتی تا بارواٹی سلاہ تے حتمی دروشم اس تننگ کن کمیٹی اس جوڑ

اسلام آباد ۔ 19 دسمبر (اے پی پی) وزیراعظم عمران خان چیئرمین ایف بی آر ءِ بلڈرز و کنسٹرکٹرز آتا روا ویل آتے اولیتی بنداو تیا ایسر کننگ نا پارت کرسا پارے کہ جوڑ جاڑی نا بشخ اتون 40 انا لگ بھگ صنعت گنڈوک ءُ، دا بشخ انا مون آ دننگ آن ورناتے کن ملازمت آتا بے شمار وارخواہی ودی مریک ۔ داخیال آتا درشانی ءِ او پنچ شنبے نادے آ حکومتی معاشی ٹیم انا دیوان نا کماشی ءِ کرسا کرے ۔ دیوان اٹی بنجائی وزیر مواصلات مراد سعید، بنجائی وزیر اقتصادی امور حماد اظہر ، بنجائی وزیر نیشنل فوڈ سیکورٹی مخدوم خسروبختیار ، وزیراعظم نا سلاہکار خزانہ عبدالحفیظ شیخ ، وزیراعظم نا سلاہکار واپار عبدالرزاق داءود، وزیراعظم نا خصوصی کمکار ڈاکٹر فردوس عاشق اعوان ، وزیراعظم نا خصوصی کمکار اوورسیز پاکستانیز سید ذوالفقار عباس بخاری، وزیراعظم نا خصوصی کمکار پٹرولیم ندیم بابر، مسکوہی وزیر خزانہ شوکت ترین، چیئرمین زرکاری بورڈ سید زبیر گیلانی ، چیئرمین ایف بی آر شبرزیدی، چیئرمین پوسکن آ پاکستان ہاءوسنگ اتھارٹی لیفٹیننٹ جنرل (ر) انور علی حیدر، ایگزیکٹو ڈائریکٹر این آئی ٹی بی سید شباہت علی شاہ و ایلوسینئر آفیسر آک ساڑی ئسر ۔ دیوان اٹی ملک انا جم معاشی حالیت ، معاشی عمل ءِ ترند کننگ و کسبکار و ورناتے کن ملازمت آتا وارخواہی ودی کننگ کن جوڑجاڑی نا بشخ انا مون آ دننگ و ترسیلات زر خاص وڑاٹ پیشن نا ملک پاکستانی تا کنڈآن ملک آ گدریفوک آ زرآتیا مراعات پیکج نا بابت باندات آتیا سرجم سجفنگا ۔