اسلام آباد ۔ 18 دسمبر (اے پی پی) بنجاھی وزیر برائے انفارمیشن ٹیکنالوجی ءُُ ٹیلی کمیونیکیشن ڈاکٹر خالد مقبول صدیقی ءَ گوں ہواوے ءِ ڈل ءَ گند ءُُ نند کت ۔ گند ءُُ نند ءِ ساھت ءَ انفارمیشن اینڈ کمیونیکیشن ٹیکنالوجی (آئی سی ٹی) ءُُ وت جوڑیشتی ھیل کاری (اے آئی) ءِ ھوالگ ءَ ھیال ریچی کنگ بوت ۔ ٹیمب ءَ ہواوے ءِ بنجاھی وزیر ءَ را آئی سی ٹی ءِ شوبگ ءَ ہواوے ءِ ازمت آنی ھوالگ ءَ سرپد کت ۔ گند ءُُ نند ءِ ساھت ءَ وزارت آئی ٹی ءِ پروگرام ، ’’بیٹی ‘‘ ءِ سر ءَ ھیال ریچی کنگ بوت ۔ ہواوے ءِ ٹیمب ءَ را گوشگ بوت کہ ’’بیٹی‘‘ پروگرام ءِ مو ل ءُُ مراد آئی سی ٹی ءِ وسیلگ ءَ زالبول آناں وت مستر جوڑ کنگ انت ۔ اے موہ ءِ سر ءَ سیکرٹری وزارت انفارمیشن ٹیکنالوجی ءُُ ٹیلی کمیونیکیشن شعیب احمد صدیقی ءُُ وزارت ءِ کلانہ ایں اپسرگ ھم اے موہ ءِ سر ءَ ساڑی اتنت ۔
