ڈپٹی سپیکر قومی اسمبلی قاسم خان سوری ءِ گوما چیئر مین نادرا عثمان یوسف مبینءِ گند ءُُ نند

اسلام آباد۔ 18 دسمبر (اے پی پی) ڈپٹی سپیکر قومی اسمبلی قاسم خان سوری ءِ گوما چیئر مین نادرا عثمان یوسف مبین ءَ چار شمبے ءَ پارلیمنٹ ہاوس ءِ تہ گند ءُُ نند کتگ۔گند ءُُ نند ءِ تہ بلوچستان ھاسکر کوئٹہ شہر ءِ تہ مہلوک ءِ راجی پجار کارڈ ءُُ رجسٹریشن ءِ درگت ءَ جیڈھانی حل ءِ باروا ھیال ریچی کتگ۔ ڈپٹی سپیکر ءَ کو ئٹہ سٹیلا ئیٹ ٹاؤن ءِ تہ نوکتریں نادرا سہولت مرکز ءِ سرجمی ءَ را ساڑاتگ۔اے سینٹر ءِ ہڈ بوھگ ءَ چہ کو ئٹہ ءِ شہریاں را راجی پجار کارڈ ءِ زورگ ءُُ رجسٹریشن ءِ درگت ءَ دیم جنجالانی ھلاسی بیت۔ڈپٹی سپیکر ءَ بلو چستان ءِ تہ بلا ک شناختی کا رڈز ءِ ھوالہ چہ گپ ءُُ تران کنان ءَ گوشت کہ صوبگ ءِ تہ مزنیں کساس ءِ تہ شہریانی پجار کارڈ بلاک انت ایشی ءِ سبب ءَ آہاں را جنجالانی دیمپانی انت۔آہاں گوشت کہ بلاک پجار کارڈ زءِ تہ ہما مردمانی پجار کارڈ ھم ھوار انت ہمہ ملک ءِ راستیں شہری انت بلے لوٹ کرتگیں کاگدانی نہ بوھگ ءُُ کانودی اڑاند ءِ سبب ءَ آہانی کارڈ بلاک انت۔آہاں چیئرمین نادرا ءَ را کوئٹہ شہر ءِ تہ یک نوکتریں 24/7 میگا سہو لت سینٹر ہڈ دیگ ءِ کڈنی ھم کتگ۔چیئر مین نا درا عثما ن یو سف مبین ءَ ڈپٹی سپیکر ءِ منت گپتگ ات ءُُ سیٹلا ئیٹ ٹاون کو ئٹہ ءِ تہ ہڈ بوھگ ءَ چہ نا درا سہو لت مرکز ءِ باروا سرجمیں تفصیل ءَ چہ سرپد کتگ ءُُ حال داتگ کہ اے نادرا آسراتی سینٹر ءِ سرا کار سرجم بوتگ انت ءُُ کارندہ ھم ایر کنگ بوتگ ات۔آہاں ڈپٹی سپیکر ءَ را اے آسراتی سینٹر ءِ بنداتی ءِ دعوت داتگ۔آہاں بلا ک شنا ختی کا رڈز ءِ بحالی ءِ درگت ءَ اڑاندءَ را ھلاس کنگ ءِ سدکی ھم دایان ءَ گوشت کہ بلاک شنا ختی کا رڈز ءِ بحالی ءِ ھاترا بورڈ ہڈ دیگ بیت ہمہ دراھیں معاملہاءَ را جائزگ ءِ پدا وتی سپارشءَ دات۔آہاں مہلوک ءِ آسراتی ءِ ھاترا ڈپٹی سپیکر ءَ را کوئٹہ شہر ءِ تہ زوت 24/7میگا سہولت سینٹر ءِ ہڈ دیگ ءِ سدکی داتگ۔ڈپٹی سپیکر ءَ چیئر مین نا درا ءِ دعوت ءَ را من اتگءُُ آوکیں ھپتگ ءَ اے سینٹر ءِ بنداتی ءِ ھاترا کوئٹہ ءِ تروتاب کنگ ءِ سدکی داتگ۔یات بہ بیت کہ اے آسراتی سینٹر ڈپٹی سپیکر قومی اسمبلی ءِ کوشستاں گوں ہڈ دیگ بوتگ۔