دری کارانی وزیر شاہ محمود قریشی ءِ کسان ڈے ءِ درگت ءَ کلوھ

اسلام آباد۔ 18 دسمبر (اے پی پی) دری کارانی وزیر مخدوم شاہ محمود قریشی ءَ گوشت کہ حکومت پورھیاگرانی فلاح ءُُ بہبود ءُُ ایشانی جیڈھ ءَ را ترجیحی بنیاتاں حل کنگ ءِ ھاترا پُرجزم انت۔پوریا گر شپ ءُُ روچ محنت ءَ چہ پاکستان ءِ معاشی دیمروئی ءِ تہ ھاسیں کرد ادا کنگ انت۔کشت ءُُ کشاری ءِ دیمروئی کسان ءِ محنت ءَ گوں بندوک انت۔چار شمبے ءَ کسان ڈے ءِ موہ ءِ سرا دری کارانی وزیر ءَ وتی کلوھ ءِ تہ گوشت کہ یک کشت ءُُ کشاری ءِ ملک ءِ ھاترا پاکستان ءِ تہ کشت ءُُ کشاری ءِ تک،ملکی معیشت ءِ تہ سرین ءِ ھڈ ءِ بستار انت ءُُ کشت ءُُ کشاری ءَ گوں بندوک ءِ کسان،شپ ءُُ روچ محنت ءَ گوں پاکستان ءِ تہ معاشی دیمروئی ءِ تہ کرد ءَ ادا کنگ انت۔شاہ محمود قریشیءَ گوشت کہ منءَ وشی انت کہ منی سیادی ھم اے ھاندان ءَ گوں انت ءُُ من ایشی ءَ سمجھگ ءَ کہ مئے معاشی گہبودی ءِ ھاترا،پورھیاگرانی معاشی جاورءِ مھکم بوھگ باز الم انت۔آہاں گوشت کہ کسانانی راجی روچ ءِ درگت ءَ من وتی کسان براتاں را یقین دیگ اوں کہ حکومت آہانی فلاح ءُُ بہبود ءُُ آہانی جیڈھانی حل ءِ ھاترا ترجیحی بنیاتاں کار کنگ انت۔کسانانی راجی روچ ءِ موہ ءِ سرا دراھیں راج وتی محنت کش کسانانی عظمت ءَ را سلام پیش کنگ انت۔