اسلام آباد۔ 18 دسمبر (اے پی پی) وزیراعظم عمران خان پارینے کہ حکومت بزغرآتے ہروڑنا آسراتی فراوان کیک۔ چارشنبے نادے آ بزغر دے انا وخت آ تینا کلہو اٹی وزیراعظم پارے کہ داوخت آ ای دا عزم انا درشانی ءِ کیوہ کہ نن تینا چنکا کشارگرآتے فصل انا پیدوار اٹی ودکی، غلہ غاتا جوان ءُ نہاد اسے آ فراوانی و منڈی تسکان رسینگ ءِ پک کننگ اٹ ہروڑنا آسراتی فراوان کینہ۔ حکومت بزغر آتے جان جوڑی آسراتی کارڈز و احساس پروگرام نا رداٹ تعلیمی وظیفہ اسکان رسینگ ءِ پک کننگ ءِ۔
