اسلام آباد۔ 18 دسمبر (اے پی پی) پاک بحریہ نا سروک ایڈمرل ظفر محمود عباسی تون روسی بحریہ نا کمانڈر ان چیف ایڈمرل نکولئی اناطولیؤ یچ یومینوف اوڑدہی کرے ہراٹی تین پہ تینی است خواہی نا باندات بشمول ہڑتوم آ ملک آتا بحری فوج آتا نیام اٹ کمکاری ءِ پین مون آ دننگ آ گپ و تران کننگا۔ ترجمان پاک بحریہ نا رداٹ روسی بحریہ نا کمانڈر ان چیف نیول ہیڈ کوارٹرز اسلام آباد نا دورہ ءِ کرے ہراڑے پاک بحریہ نا سروک ایڈمرل ظفر محمود عباسی شرفمند آ مہمان ءِ بخیر کرے۔ اودے روایتی وڑاٹ گارڈ آف آنر پیش کننگا، اویات گار شہید آتیا پھل آتا چادرا س شاغا و اونا پرنسپل اسٹاف آفیسر آتون درستی راستی ءِ کرفنگا۔ سروک پاک بحریہ ڈیہہ ٹی سمندری سلامتی و امن ءِ پک کننگ و دہشت گردی نا برخلاف جنگ اٹی پاکستان نا کڑد ءِ مون آ تخا۔ اوکان پد اودے حوال تننگا ہراٹی اودے آرٹیکل 370 و -35 اے انا منسوخی آن پد آن مقبوضہ کشمیر اٹی جاری بھارتی جارحیت آ پاکستانی موقف آن معلومدار کننگا۔ شرفمند آ مہمان ڈیہہ ٹی بحری سیکورٹی و سوگوی نا بابت پاک بحریہ نا کوشست آتا ستاءِ کرے۔ روسی بحریہ نا کمانڈر ان چیف نا دادورہ غان ہڑتوم آ ملک خاص وڑاٹ بحری فوج آتا نیام اٹ ہڑتوم آ کنڈآتا کمکاری ءِ مون آ دننگک۔
