اسلام آباد۔ 18 دسمبر (اے پی پی) اسلامی شونداری بینک و ایل ایل ایف پاکستان اٹی پولیو نا چٹفنگ کن 100 ملین ڈالر (15ارب 50 کروڑ 94لکھ روپئی) خڑچ کیرہ۔ دا چرجوئی ٹی چار شنبے نادے آ اسلامی شونداری بینک و ایل ایل ایف نا بڑزکو کہول انا ڈل انا دورہ ٹی معاہدہ غا دستخط مس۔ وزیراعظم نا خصوصی کمکار جان جوڑی ڈاکٹر ظفر مرزا معاہدہ نا ستاءِ کرسا پارے کہ اسلامی شونداری بینک و ایل ایل ایف نا پولیو نا چٹفنگ کن کوشست آک ستاکڑزرہ، دافتیان پولیو نا چٹفنگ اٹ کمک رسینگک۔ اوپارے کہ اسلامی شونداری بینک و ایل ایل ایف نا بڑزکو کہولی ڈل انا دورہ پاکستان اٹی پولیو نا چٹفنگ کن 100 ملین ڈالر نا فراوانی نا معاہدہ غا دستخط کننگانے۔ اوپارے کہ اسلامی شونداری بینک و ایل ایل ایف نا پولیو نا چٹفنگ نا کوشست آک سفت نا قابل ءُ ہرافتیان پولیو نا چٹفنگ اٹ کمک رسینگک۔ اوپارے کہ اسلامی شونداری بینک داکان مست 12موبائیل ہسپتال ہم فراوان کرینے۔ اوپارے کہ ملک گیر پولیو مہم اٹی 2دے اٹی 24.6 ملین چناتے پولیو نا پڑی کنفنگانے۔ داوخت آ ڈل انا باسک آک پاریر کہ حکومت پاکستان نا پولیو نا چٹفنگ کن کوشست آک ستاکڑزرہ۔ بڑزکو کہولی ڈل اسلام آباد اٹی ہند آتا دورہ ءِ ہم کریر و جاری پولیو مہم اٹی چناتے انسداد پولیو نا پڑی کنفیر۔ ساڑی آ پولیو مہم اٹی 39.5 ملین چناتے پڑی کنفنگ نا ہدف مقرر کننگانے۔ سروک پولیو پروگرام ڈاکٹر رانا صفدر پولیو مہم و مون تروک چیلنج آتیان معلومدار کرے۔
