اسلام آباد۔ 18 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ ارسطو جوڑ مرسا لیکچر تروک آک زرگزران نا کشتی ءِ ڈوبیفیر، 3دہائی برسراقتداراٹی مروک آتا باہ آن پالیسی تا چرجوئی ٹی بے سہبی نا ہیت ملنڈی اسے، کاش ملکی زرگزران نا فکر ءِ اوفک تینا دور حکومت اٹی ہم کروسر۔ چارشنبے نادے آ تینا ٹویٹ اٹی ڈاکٹر فردوس عاشق اعوان پارے کہ (ن) لیگی سرکڑدہ تینا جان، مال و آل اتون پیشن نا ملک آ ہنانے، سیاسی ساہ ءِ برجاتخنگ کن پارٹی نا ایلو درجہ نا راہشون تے سیمینار کرفنگ نا نوکری آ خلکونے۔ زرگزران آ کانفرنس کننگ نا جاگہ غا اسحاق ڈار ءِ پدی بٹنگر ہرا پاکستان نا ماڑی و شاہراہ تے ہم گہیو تخا۔ ارسطو جوڑ مرسا لیکچر تروک آک زرگزران نا کشی ءِ ڈوبیفیر، داسہ مگرمچھ نا خڑینک شولنگ ءُ۔ احسن اقبال صاحب کاش ملکی زرگزران نا فکر ءِ نی تینا دور حکومت اٹی کریسہ۔ اوپارے کہ 3 دہائی برسراقتدار مروک آتا باہ آن پالیسی تا چرجوئی ٹی بے سہبی نا ہیت ملنڈی اسے، آل شریف الس نا کاروبارءِ بند کرسا تینا آل اولاد نا کاروبار نا چرجوئی ءِ سوگوی تس۔
