اسلام آباد۔ 16 فروری (اے پی پی) بنجائی وزیر مذہبی امور سردار محمد یوسف تون پاکستان اٹی مصر انا سفیر شریف شاہین پنچ شنبے آ اوڑدہی کرے۔ وزارت مذہبی امور نا ترجمان نا رداٹ وزیر مذہبی امور نا دفتر اٹی مروک آ دا اوڑدہی ٹی ہڑتوم آ کنڈآتا تعلقداری تتون اوار تین پہ تینی است خواہی نا معاملہ غاتیا خیال آتا درشانی کننگا۔ دا وخت آ مصر انا سفیر تون …
بنجائی وزیر مذہبی امور سردار محمد یوسف تون مصر انا سفیر شریف شاہین نا اوڑدہی
گیشتریں ھال
اسلام آباد۔ 16 فروری (اے پی پی) بنجائی وزیر مذہبی امور سردار محمد یوسف تون پاکستان اٹی مصر انا سفیر شریف شاہین پنچ شنبے آ اوڑدہی کرے۔ وزارت مذہبی امور نا ترجمان نا رداٹ وزیر مذہبی امور نا دفتر اٹی مروک آ دا اوڑدہی ٹی ہڑتوم آ کنڈآتا تعلقداری تتون اوار تین پہ تینی است خواہی نا معاملہ غاتیا خیال آتا درشانی کننگا۔ دا وخت آ مصر انا سفیر تون ہیت وگپ کرسا بنجائی وزیر مذہبی امور سردار محمد یوسف پارینے کہ پاکستان و مصر مذہبی و دودوربیدہ ہی رشتہ غاتیٹی گنڈوک ئُ، ہڑتوم آ ملک آتا نیام اٹ تعلقداریک برادرانہ و مثالی ئُ ولے دا تعلقداری تے پین وسعت تننگ کن اواری اٹ مون آ ہنوئی مریک۔ اوپارے کہ مصر انا جامعہ الازہر اٹی پاکستان نا طالب علم آتا کوٹہ 200 اسکان ودفنگک، و طالب علم آتے نجی کہول اتون اوار اوار سرکاری کہول آ وزارت مذہبی امور نا کنڈآن ہم بایدے گدریفنگے۔ اوپارے کہ دہشت گردی نا ویل و اوڑتون مون تننگ کن ہڑتوم آ ملک آتے تین پہ تینی کمکاری ئِ بایدے مون آ دننگے۔ داوخت آ مصر انا سفیر شریف شاہین خیر سگالی نا جوزہ غاتا درشانی آ وزیر مذہبی امور نا منت واری ئِ ادا کرے و ہڑتوم آ کنڈآتا تعلقداری تے پین وسعت تننگ نا بابت وزیر مذہبی امور سردار محمد یوسف نا موقف نا تائید کرے۔
