گلگت۔ 18 دسمبر (اے پی پی) وزیراعلیٰ گلگت بلتستان حافظ حفیظ الرحمان پارینے کہ استاد آک چناتا تعلیم تون تربیت آہم چکار تخر۔ حکومتی گام گیج آتا سوب آن گلگت بلتستان امن نا وت اس جوڑ مسنے و ننے غٹ ءِ اواری اٹ گلگت بلتستان اٹی بحال مروک آ روشنائی تا رکھ ءِ کروئی ءِ۔ داخیال آتا درشانی ءِ او سلام ٹیچرز ڈے انا بابت اڈ ہلوک آ دود آن تران کرسا کرے۔ وزیراعلیٰ گلگت بلتستان پارے کہ سلام ٹیچرز ڈے انا اڈتننگ نا مسخت استاد آتا شرف و استاد آتا فرض و نظام تعلیم آ چکار کننگ نا ءِ۔ اوپارے کہ معلم نا کسب پیغمبرانہ ءِ، استاد آتا شرف ءِ کننگ آن بیدس سرسہبی دوئی کننگ مفک۔ اوپارے کہ گلگت بلتستان اٹی طبقاتی نظام اف، گلگت بلتستان اٹی شرح تعلیم ایلو صوبہ غاتیان گچین ءِ ولے تعلیم نا آب اسہ چیلنج اسے ہراڑکن استاد آتے چکار کننگ نا گرج ءِ۔ وزیراعلیٰ گلگت بلتستان پارے کہ آب اٹ تعلیم تون اوار اوار ایلو محکمہ غاتے ٹی میرٹ نا بالادستی ءِ ہم پک کننگانے تانکہ ہچ کس تون نا انصافی مف،سفارش و پسند و ناپسند نا کلچر ءِ چٹفنگانے و ایف پی ایس سی و ٹیسٹنگ سروس نا کمک اٹ ملازمت تننگ انگ ءِ۔
