اسلام آباد۔ 18 دسمبر (اے پی پی) محکمہ موسمیات نارداٹ بروک آ 24گھنٹہ ٹی ملک انا گیشتر علاقہ غاتے ٹی موسم یخ و بارُن وخت اس کہ بڑزکو علاقہ غاتے ٹی بھاز یخ مریک ولے بڑزکو خیبر پختونخوا، سویل دیکی بلوچستان و گلگت بلتستان اٹی جمبری و داوخت آ سویل دیکی بلوچستان و گلگت بلتستان اٹی گڑاس ہند آتیا زرس پِر و زَرس برف باری نا گمان ءِ۔ پنجاب و بڑزکو سندھ انا گیشتر میدانی علاقہ غاتے ٹی نن نا وخت آتے ٹی گوتلو مننگ نا گمان ءِ۔ رپورٹ نا رداٹ تدوک آ 24گھنٹہ ٹی ملک انا زیات تر علاقہ غاتے ٹی موسم بارن و یخ وخت اس کہ بڑزکو علاقہ غاک بھاز یخ ئسر۔ چارشنبے نادے آ ریکارڈ کروک آ کم آن کم درجہ حرارت نا رپورٹ نا رداٹ گوپس اٹی درجہ حرارت منفی 10 ڈگری سینٹی گریڈ، بگروٹ منفی 8، ہنزہ منفی 7، پاراچنار، کالام، گلگت منفی 5، قلات، راولاکوٹ منفی 3، مالم جبہ منفی 2، مری و بونجی ٹی منفی اسہ ڈگری سینٹی گریڈ ریکارڈ کننگانے۔
