اسلام آباد۔ 17 دسمبر (اے پی پی) صدر مملکت ڈاکٹر عارف علوی ءَ مصنوعی ذہانت، بلاک چین، روبوٹکسءُُ انٹرنیٹ آف تھنگز (آئی او ٹیز) ءِ ارزشت ءَ را پدر کنان ءَ گوشت کہ پاکستان ءِ تہ آوکیں دھک انفارمیشن اینڈ کمیونیکیشن ٹیکنالوجیز ءِ آشوب ءِ دھک انت۔اے ھاترا پاکستان ءَ را ضلوری چیز درکاربنت، اے ھوالہ چہ ملک ءِ صنعتی تک ءِ پہ وھد ءَ تیاری کنگ لوٹ ایت۔آں سئے شمبے ءَ ایوان صدرءِ تہ ایمرجنگ ٹیکنالوجیز ءِ باروا ٹاسک فورس ءِ دیوان ءِ سروکی کنگ ات۔دیوان ءِ تہ بنجاہی وزیر برائے انفارمیشن ٹیکنالوجی اینڈ ٹیلی کمیونیکیشن خالد مقبول صدیقی ءُُ سرجمیں ملک ءَ چہ آئی ٹی زانتکار ءَ بھرزوراتگ۔ملک ءِ صدر ءَ گوشت کہ ترندی ءَ گوں بدل بیوکیں انفارمیشن اینڈ ٹیکنالوجیز ڈیجیٹل ٹرانسفارمیشن ءِ نیمگا ھاسیں کرد ادا کنگ انت ءُُ چارمی صنعتی آشوب ءِ تہ بین الادارہ جاتی ارزشت دار انت۔آہاں گوشت کہ ڈیجیٹل لحاظ ءَ چہ بدلی ءِ لہتیں عناصر ءِ حامل انت ایشی ءِ تہ ڈیجیٹل پجار،یکجاھیں ڈیٹا سروسز،یکجاھیں بیئپاری طریقہ کار،ٹیکنالوجی بنجل ءُُ سرکاری تک ءِ تہ آئی ءِ کارمرزی ءِ ھاترا آسراتی پھجارگی انت وھدیکہ اختراعی ایکو سسٹم ءِ تیاری ھم یک جزو انت۔صدر مملکت ءَ گوشت کہ حکومت پاداتگیں ٹیکنالوجیز ءِ تک ءِ تہ لہتیں سٹارٹ اپس ءِ وسیلگ ءَ جدت ءِ ماحول ءَ را پراھی دیگ ءِ ھاترا کوشاں انت۔آہاں گوشت کہ ملک ءِ ڈیجیٹل اکانومی ءِ دیمروئی ءِ تہ ٹیکنالوجیز کمپنیانی کرد باز ھاس انت، اے ھوالہ چہ یکجاھیں کوشستانی وسیلگ ءَ مہ ترند ءُُ دیرپا آسر گپت کنیں۔ملک ءِ صدر ءَ گیش گوشت کہ پاکستان ءِ تہ آوکیں دھک انفارمیشن ٹیکنالوجیز ءِ آشوب ءِ دھک بیت ہمہ کہ باندات ءِ تہ ٹیلی انفراسٹرکچر ءِ حامل بیت، ایشی ءِ ھاترا پاکستان ءَ را اژدری چیز درکاربنت۔انفراسٹرکچر، آئی ٹی ءُُ ٹیلی کام ءِ تک ءِ تہ تعلیم یاافتہ ورناہ ہیومین ریسورسءُُ نوکیں ٹیکنالوجیز ءَ را زوروکیں مردم انت۔اے درگت ءَ حکومت ءِ ڈیجیٹلائزیشن، ڈیجیٹل پجارءِ مشین ءُُ ووٹنگ ٹیکنالوجیز مستریں ارزشت ءِ حامل انت۔اے وڈ ءَ سائبر آلات ءُُ ایپس ءَ را جان سلامتی،تعلیم،آباتی ءِ منصوبگ بندی،بائیو ٹیکنالوجیز ءُُ سیکیورٹی ءِ تک ءِ تہ ھم کارمرز کنگ بیت۔ صدر مملکت ءَ گوشت کہ پاداتگیں ٹیکنالوجیز نوکتریں دگنیا ءِ دراھیں تکانی تہ ھوار بوھگ انت۔ مصنوعی ذہانت ءِ تک ءِ تہ سرمایہ کاری گیش بوھگ انت ءُُ گمان انت کہ ٹیکنالوجی ءِ مستریں کمپنیءَ 2016ءِ تہ اے تک ءِ تہ 20ءَ چہ 30ارب ڈالر ھرچ کتگ ات ایشی ءَ چہ 90درسد پٹ ءُُ پول ءُُ دیمروئی ءُُ10درسد مصنوعی ذہانت ءِ زورگ ءَ ھرچ بوتگ ات۔اے وڈ ءَ بلاک چین ءِ ھوالہ چہ سرکاری تک ءِ تہ کارمرز ءِ10اولی صف ءِ کیسانی تہ ڈیجیٹل کرنسی پیمنٹ، لینڈ رجسٹریشن، ووٹنگ (الیکٹرانکس)، آئیڈینٹیٹی مینجمنٹ، سپلائی چین، ہیلتھ کیئر، ووٹنگ (پراکسی)، کارپوریٹ رجسٹریشن، ٹیکسیشن ءُُ ان ٹائٹلمنٹس مینجمنٹ ھوار انت۔
