اسلام آباد۔ 17 دسمبر (اے پی پی) بنجاہی وزیر اقتصادی امور حماد اظہر ءَ گوشت کہ ایشین انفراسٹرکچرڈویلپمنٹ بنک ءَ راپاکستان ءِ تہ دیمروئی منصوبگانی ھاترا مالی کمک ءِ تہ ودکی کنگ بیت،معیشت ءَ را مھکم ءُُ متوازن دیمروئی ءِ راہ سرا ایر کنگ ءُُ کی کس انکم ءِ تہ ودکی ھاترا کار کنگ انت،گوست حکومت ءَ ووٹانی ھاترا ایوکا بنیاتی کوکا ءِ سرادلگوشی داتگ ایشی ءِ آسرءَ انسانی دیمروئی ءِ رینکنگ ءِ تہ پاکستان ءِ پوزیشن گہتر بوتگ،اَستیں حکومت ءَ ایشی ءِ برعکس چاگردی تک ءِ دیمروئی ءَ را وتی ٹارگٹ جوڈ کتگ۔اے ھیالانی درشان آہاں سئے شمبے ءَ ادا ایشین انفراسٹرکچر بینک ءِ صدر جن لی ژوان ءِ سروکی ءَ ڈل ءَ گند ءُُ نند ءِ ساعت ءَ گپ ءُُ تران کنان ءَ کتگ ات۔گند ءُُ نند ءِ تہ ایشین انفراسٹرکچرڈویلپمنٹ بنک ءِ ڈل ءَ پاکستان ءِ تہ توان ءِ پیداوار ءُُ سپلائی،ٹرانسپورٹ،واٹرسپلائی،انفارمیشن ٹیکنالوجی ءُُ وت مہ وتی استفادہ ءِ دگہ منصوبگانی تہ ایشین انفراسٹرکچر ڈویلپمنٹ بینک ءِ کمک ءِ سدکی داتگ۔بنجاہی وزیر حماد اظہر ءَ پاکستان ءِ تہ بنیاتی کوکا ءِ منصوبگانی تہ ایشین انفراسٹرکچر بینک ءِ کرد ءَ را من اتگ۔آہاں گوشت کہ ایشین انفراسٹرکچر ڈویلپمنٹ بینک ءِ نیمگا چہ پاکستان ءِ تہ بنیاتی کوکا ءِ منصوبگانی تہ کمک ءِ جزم ءِ درشان ءَ چہ کثیرالجہتی شراکت دارانی نیمگا چہ پاکستان ءِ حکومت ءِ گہترکاری ءِ ایجنڈہ ءُُ پیش روئی ءِ سرا اعتماد ءِ درشان کتگ۔اے گہترکاری ءِ آسرءَ پاکستان ءِ تہ اقتصادی گہبودی ءَ را سدکی کتگ۔آہاں گوشت کہ ایشین انفراسٹرکچر ڈویلپمنٹ بینک پاکستان ءَ را دیمروئی ءِ راہ ءِ سرا برگ والی شاھدگ ءِ ھاسیں پارٹرانت۔آہاں گوشت کہ حکومت اسلوب حاکمی ءِ تہ گہتری،اقتصادی گہترکاری ءُُ مھکمیں دیمروئی ءِ ٹارگٹ ءِ زورگ ءِ تہ سرجمیں وڈ ءَ پُرجزم انت۔ ایشین انفراسٹرکچرڈویلپمنٹ بنک ءِ صدرجن لی ژوان ءَ حکومت ءِ اقتصادی ءُُ معاشی گہترکاری ءِ مراگش ءَ را ساڑاتگ ءُُ گوشت کہ اے ھوالہ چہ ایشین انفراسٹرکچر بینک کمک ءِ تہ ودکی ءِ ھاترا پُرجزم انت۔ ایشین انفراسٹرکچرڈویلپمنٹ بنک پاکستان ءِ کلیدی دیمروئی پارٹنرءَ ھوار انت، بنک پاکستان ءِ حکومت ءِ دیمروئی ءِ ھاترا وژن ءُُ پالیسیانی پلہ مرزی کنگ انت۔آہاں گوشت کہ بنک توانائی،شاھدگ،چاگردی تک،آپ ءُُ شہری ہزمتانی تک ءِ تہ مالی کمک ءِ ابید پالیسی گہترکاری ءِ کارءِ تہ کمک پھجارایت۔ بنک پاکستان ءِ گوما شراکت داری ءَ را سوگو جوڈ کنگ ءُُ ایشی ءَ را دراجی دیگ ءِ تہ پُرجزم انت،بنجاہی وزیر ءَ پائیدار دیمروئی ءِ کوشستانی یکشلہ کمک پھجارگ ءِ سرا ایشین انفراسٹرکچر ڈویلپمنٹ بینک ءِ منت گپتگ ات۔
