اسلام آباد۔ 17 دسمبر (اے پی پی)صدر مملکت ڈاکٹر عارف علوی ءَ گوں ایشیئن انفراسٹرکچر انویسٹمنٹ بینک (اے آئی آئی بی) ءِ صدر جن لیکون ءَ گند ءُُ نند کت۔ اے موہ ءِ سر ءَ ایشیئن انفراسٹرکچر بینک ءِ صدر ءَ گوشت کہ آئی ءِ بینک پاکستان ءِ چاگردی ءُُ اقتصادی دیمروئی ءِ ھوالگ ءَ سرجمیں رنگ ءَ جزمیگ انت۔ آئی ءَ صدر ءِ مملکت ءَ را گوشت کہ اے آئی آئی بی ءَ حکومت ءِ پاکستان ءِ ترجی داتگیں کار آنی رد ءَ دیمروئی منصوبگ آناں فنانس کنگ ءِ پیسلہکتگ۔ اسیتں زمانگ ءَ پاکستان ءِ چاگردی ءُُ اقتصادی ضلورت آنی گوما حکومت ءِ ترجی داتگیں کار آناں پھمگ ءَ کمک رسیت۔ صدر ءِ مملکت ءَ اے آئی آئی بی ءِ پاکستان ءَ دیمروئی منصوبگ آنی تہ ءَ کمک ءِ جزم ءَ را ساڑات ءُُ گوشت کہ ملک ءَ کاروبار ءِ وساتہ جوانیں جاور پیداک کنگ ءُُ درملکی یک شلیں سرمایہ کاری ءَ را دلگوش کنگ ءِ رد ءَ ٹوھیں فریم ورک ءِ پجارینگ ءِ واستہ پاکستان ءِ سرمایہ کاری پالیشی جوڑ کنگ بوتگ۔ آئی ءَ اے آئی بی ءِ نیمگ ءَ چہ ایم 4گوجرہ۔ شور کوٹ موٹروے ءِ واستہ 10 کروڑ ڈالر ءُُ ءُُ تربیلا V ہائیڈرو پاور پراجیکٹ ءِ واستہ 30 کروڑ ڈالر ءِ فنڈنگ ءِ پجاری ءَ را ساڑات۔
