جنیوا۔ 17 دسمبر (اے پی پی) مزن وزیر عمران خان ءَ گوں میاں اوستمانی جان سلامتی ءِ ڈائریکٹر جنرل ڈاکٹر ٹیڈروس ادہانم گیبرے ییسس ءَ سئے شمبے ءَ جنیوا ءَ پناہ گیر آنی ھوالگ ءَ اولی میاں اوستمانی فورم ءِ موہ ءَ گند ءُُ نند کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ ڈائریکٹر جنرل ٹیڈروس ءَ پولیو وائرس ءِ ھلاسی ءِ واستہ پاکستان ءِ کوشست آناں ساڑات ءُُ اے رد ءَ میاں اوستمانی جان سلامتی ادارگ ءِ نیمگءَ کمک ءِ دل یکیمی دات۔ مزن وزیر عمران خان ءَ گوشت کہ مئے حکومت پاکستانی الس ءَ را میاں اوستمانی کد ءُُ بالاد ءِ جان سلامتی آسراتی دیگ ءِ بابت ءَ ھاسیں دلگوشی دیگ ءَ انت۔ مزن وزیر ءَ ڈائریکٹر جنرل ءَ را احساس پروگرام ءَ ھوار حکومت ءِ گریبی ھلاس کنگ ءِ پروگرام آنی ھوالگ ءَ سرپد کت۔ ڈی جی ٹیڈروس ءَ مزن وزیر عمران خان ءِ اے کوشست آنی رد ءَ ڈبلیو ایچ او ءِ نیمگ ءَ چہ سرجمیں کمک ءِ دل یکیمی دات ءُُ گوشت کہ آ یوکیں سال ءَ پاکستان ءِ تر ءُُ تاب ءَ کنت۔
