اسلام آباد۔ 17 دسمبر (اے پی پی) مزن وزیر ءِ ھاسیں کمکار برائے جان سلامتی ڈاکٹر ظفر مرزا ءَ گوشت کہ ڈرگ ریگولیٹری اتھارٹی آف پاکستان (ڈریپ) ءِ تہ ءَ مزنیں تک ءَ گہتری ءِ کار جاڑ ی انت، ایشرا ماڈل اتھارٹی جوڑ کنگ بوھگ ءَ انت، درمان آنی رجسٹریشن ءُُ تیار کنوکیں کمپنی آنی لائسنسنگ ءَ ساپ ءُُ سلہ کنگ ءِ ضلورت ءَ سما کنان ءَ پاکستان انٹیگریٹڈ ریگولیٹری انفارمیشن مینجمنٹ سسٹم (پی آئی آرآئی ایم ایس) نظام جوڑ کنگ بوتگ۔ سئے شمبے ءَ مزن تکی دیوان ءِ سروکی ءَ کنان ءَ ڈاکٹر ظفر مرزا ءَ گوشت کہ جوانیں دوا ءُُ درمان آنی پجاری، جان سلامتی ءِ شوبگ مئے اولی ترجی داتگیں کار انت ءُُ یونیورسل ہیلتھ کوریج ءَ را فوکس ات۔ آئی ءَ ڈرگ ریگولیٹری اتھارٹی آف پاکستان (ڈریپ) ءَ را ایشی یے جوانیں بنگیج ءِ پد ءَ مبارک بات پیش کت ءُُ گوشت کہ گڈ گورننس ءَ ساپ ءُُ سلہ ئی، پسو دیگ، مزن تکی کار کرد ءُُ سٹیک ہولڈر ءِ ھواری ءِ المیگیں چیز آنی سر ءَ ترندی ءَ گوں پد ءُُ رند کنگ ءِ ضلورت انت۔ آئی ءَ گوشت کہ ساپ ءُُ سلہ ئی ءَ را دل یکیمی جوڑ کنگ ءِ واستہ انفارمیشن منیجمنٹ سسٹم گہتریں کارمردی انت۔ ڈریپ ءِ اپسرگ آنی کار کرد ءَ را گہتر کنگ ءُُ توامیں کار وھد ءِ سر ءَ گیش ءُُ گیوار کنگ ءَ کمک ریست۔ ایشی ءَ چہ میاں اوستمانی کد ءُُ بالاد ءِ رد ءَ درمان آنی تیاری ءُُ رجسٹریشن ءِ کد ءُُ بالاد ءَ را برجا کنگ ءَ کمک رسیت۔ آئی ءَ گوشت کہ ایش اچ رنگیں سپارش آناں موہ نہ دنت۔
