ڈاکٹر عبدالحفیظ شیخ ءِ مخدوم خسرو بختیار ءَ گوں گند ءُُ نند، کشت ءُُ کشاری شوبگ ءِ واستہ توان ءِ نیاد آناں گہتر کنگ ءِ ھوالگ ءَ جیڈھ آنی سر ءَ ھیال ریچی کت

اسلام آباد۔ 17 دسمبر (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوں سئے شمبے ءَ ادا بنجاھی وزیر نیشنل فوڈ سیکورٹی اینڈ ریسرچ مخدوم خسرو بختیار ءَ گند ءُُ نند کت۔ گند ءُُ نند ءَ کشت ءُُ کشاری شوبگ ءِ واستہ توان ءِ نیاد ءُُ ایشاناں گہتر کنگ ءِ ھوالگ ءَ جیڈھ آں ی سرءَ ھیال ریچی ءُُ ٹیوب ویل ءِ واستہ توان ءِ نیاد ءُُ فیول پرائس ایڈجسٹمنٹ ءِ ھوالگ ءَ ھم باست ءُُ واست کنگ بوت۔ مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوشت کہ ھاسیں رنگ ءَ کشت ءُُ کشاری شوبگ ءِ واستہ ٹیرف ءِ کوکا ءُُ پاور سیکٹر ءِ واستہ زر ھرچ ءِ ھوالگ ءَ زوت یک دیوانے گوانک جنگ بیت ایشی ءِ تہ ءَ ٹیرف ءِ نیاد آناں گہتر کنگ ءِ ھوالگ ءَ کار آنی سر ءَ چار ءُُ بچار زورگ بیت۔ دیوان ءَ اے گپ ءِ سر ءَ تپاک کنگ بوت، کشت ءُُ کشاری شوبت ءِ واستہ توان ءِ نیاد ءُُ ایشاناں گہتر جوڑ کنگ ءِ ھوالگ ءَ کار آناں دیم ءَ جنزینگ ءَ چہ ناں ایوک ءَ دھکان ءُُ کشت ءُُ کشار کنوک آناں دل یکیمی ءِ تہ ءَ گیشی بیت بلکینگ ءَ ملک ءَ کشت ءُُ کشاری پیداور ءِ تہ ءَ ودوکی بیت۔ دیوان ءَ اے پیسلہ کنگ بوت کہ پاور ٹیرف ءَ را پکوئیں رنگ دیگ ءِ واستہ زوت نیپرا وزارت توان ءَ ھوار توامیں سٹیک ہولڈر آنی دیوان گوانک جنگ بیت ایشی ءِ تہ ءَ اے جیڈھ ءِ جوانیں گیواری پٹ ءُُ پول کنگ بیت۔