اسلام آباد۔ 17 دسمبر (اے پی پی) وزیراعظم عمران خان گلوبل ریفیوجیز فورم اٹی بشخ ہلنگ کن سے شنبے نادے آ جنیوا غا سرمس ہراڑے او فورم نا اہم سیشن آتا اسیجا کماشیءِ کننگ ءِ، داکان مست فورم اٹی بشخ ہلنگ کن بننگ آ اقوام متحدہ نا ہائی کمشنر باہوٹ فلیپو گرانڈی اودے بخیر کرے۔ گلوبل ریفیوجیز فورم ءِ سوئٹزر لینڈ و یو این ایچ سی آر نا کمک اٹ اڈتننگ انگ ءِ، دا باہوٹ آتا جہانی فورم نا 21می صدی نا باہوٹ آتا بارواٹی اولیکو بھلا دیوان ءِ ہرافتا کچ ودسا 25ملین آن ہم زیات مسنے۔ فورم نا مسخت جہانی کہول آ باہوٹ آتون یکجہتی و وفتا سیاسی مخ تفیءِ کننگ ناءِ۔ پاکستان تدوک آ 4دہائی آن 35لکھ اوغان باہوٹ آتا میزبانی و خیال داری ءِ کننگ ءِ و مشکل آتیان پد ہم باہوٹ آتا ملوک آ است اٹ خذمت ءِ کرینے ہرانا دنیا ٹی جاگہ اس ہم مثال ملیپک۔
