اسلام آباد۔ 16 فروری (اے پی پی) مسلم لیگ (ن) نا راہشون دانیال عزیز پارینے کہ عمران خان نا کنڈآن عدالت اٹی پیش کروک آ شاہدیک سماعت نا قابل افس، عدالت اٹی ہرادستاویز آتیا کیس چلینگ انگ ئِ او مسلم لیگ (ن) فراوان کرینے ، حسین نواز و حسن نواز پیشن نا ملک کاروبار کننگ اٹی ئُ، کانود نا رداٹ 6 توااں زیات وخت پیشن نا ملک رہینگوک آ بندغ آ خراج عائد مفک، عدالت اٹی ہر دے سوج آتا بھرمار اس مریک و ننا وکیل پبی تیاری اٹ اوفتا ورندی ئِ ایتک۔ سپریم کورٹ اٹی پاناما کیس نا سماعت آن پد میڈیا تون ہیت وگپ کرسا اوپارے کہ ہندن ہندن کیس مون آ ہِننگ ئِ ننا زی آ سوج آتا بھر مار کننگک و ارٹ میکو ننا وکیل اوفتا پبی تیاری اٹ ورندی ئِ ایتک اوکان پد بروک آدے میڈیا و اخبار اٹی داسوج آتا ذکر اسکان مفک۔ اوپارے کہ مسلم لیگ (ن) عدالت اٹی لس شاری تیانبار کاٹم ئِ شیف تورسا حساب تننگ ئِ۔ حسین نواز و حسن نواز پیشن نا ملک کاروبار کننگ ئُ و کانود نا رداٹ پاکستان اٹی خراج تننگ اوفتیا لازم مفک ولے اونا باوجود او ہر دے عدالت اٹی درکار شاہدی پیش کننگ ئِ۔ دانیال عزیز پارے کہ عمران خان عدالت اٹی تینا کنڈآن خلوک آ دوبہ غاتا شاہدی تے پیش کننگ کتنے او مسلم لیگ (ن) فراوان کرینے۔ اوپارے کہ عمران خان الیکشن کمیشن اٹی 2012نا شاہدی پیش کننگ کن تیار اف وخت اس کہ ننے آن 50 سال انا حساب ہلنگ انگ ئِ۔ اوپارے کہ عمران خان ہر دے میڈیا آ ایلو فتا مسن تا عکس آتے نشان ترسا اوفتیا دروغ انا دوبہ خلنگ ئِ و اوفتا شاہدی ہم اوڑتون اف۔ دانیال عزیز پارے کہ عمران خان اسہ نیاڑی اسے آآخا بلکن 2018 ءآ مروک آ گچین کاری تیٹی مسلم لیگ (ن) و اونا ہر باسک نا برخلاف کارروائی کننگ ئِ۔
