مودی نا لگفوک آ انتہاپسندی نا خاخر بھارت ءِ تینا پلویڑ اٹی ہلکونے
اسلام آباد۔ 17 دسمبر (اے پی پی) وزیراعظم نا خصوصی کمکار حوالکاری و شین کاری ڈاکٹر فردوس عاشق اعوان پارینے کہ مودی نا لگفوک آ انتہاپسندی نا خاخر بھارت ءِ تینا پلویڑ اٹی ہلکونے، دُن انگا سوچ مچ آ ڈیہہ نا امن کن گڑتی اسے، امتیازی شہریت نا جھیڑہ ئی بھارتی کانود اقلیت خاص وڑاٹ مسلمان تا حق ءِ لتاڑانے۔ ڈاکٹر فردوس عاشق اعوان سے شنبے نادے آ تینا ٹویٹ اٹی پارے کہ امتیازی و متعصبانہ شہریت کانود نا برخلاف برانز کروک آ بھارتی طالب علم آتیا بیدادی انسانیت نا تذلیل و بھارتی نام نہاد جمہوریت نا بوز اٹ چپانٹ اسے۔ اوپارے کہ طالب علم آتیا بیدادی مودی نا بھارت ءِ بشخنگ نا بابت جہانی جریدآتا پیش گوئی تے پک کرینے۔
