اسلام آباد۔ 17 دسمبر (اے پی پی) خصوصی عدالت مسکوہی صدر پرویز مشرف ءِ سنگین غداری کیس اٹی پاہو تننگ نا سزا بنفینے۔ سے شنبے نادے آ جسٹس وقار احمد سیٹھ انا کماشی ٹی مسہ باسکی خصوصی عدالت کیس انا سماعت ءِ کرے۔ داوخت آ پرویز مشرف نا وکیل رضا بشیر عدالت آن خواست کرے کہ اودے دلیل تننگ نا موکل تننگے داڑا عدالت اودے پارے کہ مہالو 15دے انا مہلت تننگانے۔ پین وخت تننگ مفک، نی دلیل تننگ خواسہ تو ایت۔ سماعت اٹی استغاثہ نا کنڈآن مسکوہی وزیراعظم شوکت عزیز، مسکوہی چیف جسٹس عبدالحمید ڈوگر و مسکوہی وزیر کانود زاہد حامد ئسک کیس اٹی فریق مننگ کن درخواست عدالت اٹی پیش کریر ہراڑاعدالت پارے کہ استغاثہ ءِ عدالت اٹی درخواست دائر کننگ نا وڑوڈول معلوم اف۔ اوکان پد عدالت گونڈ ءُ وقفہ سے آن پد فیصلہ ءِ بنفسا پرویز مشرف ءِ پاہو تننگ نا سزابنفے۔
