اسلام آباد۔ 16 فروری (اے پی پی) مسلم لیگ (ن) نا راہشون مائزہ حمید پارینے کہ ہراخلقت تینا احتساب ئِ کننگ کپسہ او دا ملک انا لیڈر جوڑ مننگ کپسہ۔ سپریم کورٹ نا پیشن میڈیا تون ہیت وگپ کرسا اوپارے کہ پی ٹی آئی عدالت ئِ درکار شاہدی پیش کننگ اٹی بے سہب مسنے۔ پاناما کیس وزیراعظم محمد نواز شریف نا خلاف اف دا کیس مسلم لیگ (ن) نا ہر کارندہ و وونٹر نا برخلافئِ۔ عمران خان وزیراعظم نا شونداری ایجنڈانا برخلاف ئِ و او برانز و دھرنہ غاتیان شونداری نا کسر اٹی اڑاند شاغنگ نا کوشست کرے اونا باوجود چین پاکستان اٹی زرکاری کننگ ئِ و درملکی کمپنی پراکٹر اینڈ کیمبل ارب آ روپئی نا زرکاری کننگ ئِ۔ اوپارے کہ عمران خان عدالت نا کمک اٹ وزیراعظم جوڑ مننگ نا شارٹ کٹ ئِ پٹنگ ئِ ، اودے وونٹ اتسا بروئی مریک۔ مائزہ حمید پارے کہ عمران خان ئِ اقتدار نا ہوس ئِ اودے تدوک آ دے پشاور اٹی مروک آ سانحہ نا خاہوت آتون اوار مروئی ئسک ولے او عدالت اٹی ساڑی ئِ۔ اوپارے کہ عمران خان تینا کرپشن نا حساب ئِ تننگ کن تیار اف وخت اس کہ وزیراعظم محمد نواز شریف دیارغیر اٹی رہینگوک آ چناتا ہم حساب ئِ تننگ ئِ ، مسلم لیگ (ن) نا راہشون پارے کہ عمران خان صاحب ہرا تینا حساب ئِ تننگ کپک او دا ملک انا لیڈر امر جوڑ مننگ کیک۔
