اسلام آباد۔ 16 دسمبر (اے پی پی) مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان سویئٹزرلینڈ ءِ تر ءُُ تاب ءَ چہ واپسی ءَ کوالالمپور کانفرنس ءَ شریک بوھگ ءِ ھوالگ ءَ پکوئیں پیسلہ کنت انت، نواز شریف ءَ را جان سلامتی بنیات آنی پد ءَ داتگیں زمانت ءِ چار ہپتگ آنی تہ ءَ لستیں روچ بچ اتگ، آصف علی زرداری ءِ ھلاپ ءَ 11ریفرنسز ءُُ 14انکوائیری چلگ ءَ انت انوگ ءَ تاں 40سال آنی ھساب گرگی انت، جان سلامتی بنیات آنی پد ءَ زامنی ءِ مطلب کیس ءَ چہ برئی بوھگ نہ انت، کیساسگری کنوکیں ادارگ زندگ ءُُ کرپٹیں مردم آنی سیت مرگ ءَ شروع بوتگ انت۔ انفارمیشن کمشین ءَ را برجا جوڑ کنگ ءُُ بجٹ گیشینگ حکومت ءِ ایجنڈا آنی بھر ات، سلاھ بندیں اُرد، سیکورٹی فورسز ءُُ الس ءِ کربانی آنی بدولت ءَ مزن وزیر عمران خان دگنیا ءِ دیم ءَ پاکستان ءِ شروکیں لکا ءَ را سہرا کنگ ءَ کامیات بوتگ، ماتیں وطن ءِ واستہ داتگیں کربانی اچبر بیران نہ بنت، پیسریگیں دور ءِ حکومت ءَ اھوالاں تاں پجگے کانود ءِ ایوک ءَ جار جنگ بوتگ بلے پکوئیں رنگ حکومت ءَ را دتگ، پاکستان انفارمیشن کمیشن ءِ واستہ 7کروڑ بجٹ گیشینگ بوتگ زوت ایشاناں پکو ئیں رنگ دیگ ءِ بندوبست کنگ بیت۔ آ دو شمبے ءَ انفارمیشن سروسز اکیڈمی ءَ سسٹین ایبل سوشل ڈویلپمنٹ آرگنائزیشن (ایس ایس ڈی او) ءِ شریکی ءَ گوں جوڑ کنگ بوتگ پاکستان انفارمیشن کمیشن ءِ ویب سائیٹ ءِ بنگیجی مراگش ءَ گوں گشتانک دیان ءَ کت۔ چیف افنارمیشن کمشنر محمد اعظم، ایس ایس ڈی او ءِ ایگزیکٹو ڈائریکٹر سید کوثر عباس، کمشن ءِ باسک ءُُ وزارت ءِ اھوالکاری ءِ کارندہ مراگش ءَ ساڑی اتنت۔ اھوالکاراں گوں تران کنان ءَ مزن وزیر ءِ ھاسیں کمکار برائے اھوالکاری ءُُ شنگ کاری ڈاکٹر فردوس عاشق اعوان ءَ گوشت کہ مزن وزیر عمران خان بحرین ءَ چہ پد سوئیٹرزلینڈ ءِ تر ءُُ تاب ءَ کنان ءَ وطن ءَ واتر بیت ایشی ءَ چہپد کوالالمپور کانفرنس ءَ بھر زوری ءِ ھوالگ ءَ پکوئیں پیسلہ کنت انت، اے پیسلہ ءِ ھوالگ ءَ میڈیا ءَ را وھد ءُُ موہ ءِ سر ءَ سرپد کنگ بیت۔
